Yuzvendra Chahal & Dhanashree Verma Relationship : टीम इंडियाचा स्टार फिरकीपटू युझवेंद्र चहल आणि त्याची पत्नी धनश्री वर्मा आता खूप ट्रेंड करत आहे. धनश्रीने आपल्या इंस्टाग्राम अकाउंटवरून चहल हे आडनाव काढून टाकले. त्याचवेळी युजवेंद्र चहलनेही त्याच्या इंस्टाग्रामवर एक स्टोरी शेअर केली, ज्यामध्ये 'न्यू लाइफ लोडिंग' असे लिहिले होते. चहलची पोस्ट आणि धनश्रीचे आडनाव काढून टाकल्यानंतर या जोडप्यामध्ये काहीतरी बिनसलं आहे असा अंदाज लावला जात होता. पण चहल आणि धनश्रीने इंस्टाग्राम पोस्टद्वारे सांगितले आहे की आमच्या दोघांमध्ये सर्व काही ठीक आहे.

या धनश्री वर्माने इन्स्टाग्रामवर पोस्ट केली आहे. पोस्टाच्या माध्यमातून त्यांनी परिस्थिती निवळण्याचा प्रयत्न केला आहे. धनश्री वर्माने या पोस्टमध्ये गुडघ्याच्या दुखापतीमुळे डान्स करू शकत नसल्याचे लिहिले आहे. धनश्री वर्माच्या म्हणण्यानुसार, डॉक्टरांनी सांगितले की, तिला पुन्हा डान्स करायचा असेल तर शस्त्रक्रिया करणे आवश्यक आहे. ती पुढे लिहिते की, परिस्थिती अनुकूल नव्हती, खूप आव्हानात्मक परिस्थिती होती, पण पती युजवेंद्र चहलचा पूर्ण पाठिंबा मिळाला.

धनश्री वर्माने तिच्या इंस्टाग्राम पोस्टमध्ये पुढे लिहिले की, कठीण परिस्थितीत मला माझे पती, कुटुंब आणि जवळच्या मित्रांची साथ मिळाली. अशा परिस्थितीत मला सर्वांच्या पाठिंब्याची गरज होती, कारण डॉक्टरांनी सांगितले होते की, जर मला आयुष्यात पुन्हा डान्स करायचे असेल तर मला शस्त्रक्रिया करावी लागेल, शस्त्रक्रियेशिवाय दुसरा पर्याय नाही. धनश्री वर्मा पुढे सांगते की, परिस्थिती कठीण होती, पण मधल्या काळात लोकांनी अफवा पसरवायला सुरुवात केली, पण हे सर्व ऐकणे माझ्यासाठी सोपे नव्हते, मला खूप वाईट वाटले.