Dhanashree Verma Instagram Story : भारतीय संघाचा फिरकी गोलंदाज युजवेंद्र चहलची पत्नी धनश्री सोशल मीडियावर खूप सक्रिय असते. नुकतीच धनश्रीची एक इन्स्टाग्राम स्टोरी सोशल मीडियावर व्हायरल होत आहे आणि याचे कारण आहे भारतीय खेळाडू श्रेयस अय्यर. दोघांच्या स्टोरी एक संबंध शोधून चाहत्यांनी त्यांना ट्रोल करण्यास सुरुवात केली आहे. संपूर्ण प्रकरण काय आहे आणि त्याचे सत्य काय आहे.

धनश्री आणि श्रेयस अय्यरची स्टोरी व्हायरल

धनश्रीने बुधवारी बाल्कनीतील एक फोटो शेअर केले. या फोटोत समोर एक इमारत दिसत होती आणि पाऊस पडत आहे. श्रेयस अय्यरने शेअर केलेल्या स्टोरीमध्येही असेच होते. मग काय चाहते वेगवेगळे अंदाज बांधू लागले. काहींनी दोघे एकाच हॉटेलच्या खोलीत असल्याचे सांगितले तर काहींनी ते एकमेकांची कॉपी करत असल्याचे सांगितले. धनश्री युजवेंद्र चहलची फसवणूक करत असल्याचेही काही युजर्सने म्हटले होते.

काय आहे व्हायरल फोटो मागचे रहस्य?

आता हे संपूर्ण प्रकरण काय आहे ते तुम्हाला सांगतो. धनश्री आणि श्रेयसची स्टोरी सारखी दिसत असली तरी दोघांमध्ये खूप फरक आहे. हे फोटो वेगवेगळ्या बाल्कनीचे आहे ज्याचा पुरावा त्या चित्रात असलेल्या बाल्कनीच्या ग्रिलवरून दिसून येतो जो दोन्ही फोटोमध्ये भिन्न आकाराचा आहे.

आता हे दोघे एकाच ठिकाणी असण्याचे कारण समजावून घेऊ. श्रेयस अय्यर गेल्या काही दिवसांपासून बेंगळुरू येथील एनसीएमध्ये प्रशिक्षण घेत आहे. युझवेंद्र चहलही एनसीएमध्ये असून हे सर्व खेळाडू एकाच ठिकाणी राहत आहेत. धनश्रीही चहलसोबत बेंगळुरूमध्ये आहे.

याआधीही धनश्रीचे नाव श्रेयस अय्यरशी जोडले गेले होते. धनश्रीने तिच्या नावातून चहल काढून टाकले होते, तेव्हाही ती श्रेयस अय्यरला डेट करत असल्याचे सांगण्यात आले होते. दोघांच्या डान्सचा व्हिडिओ व्हायरल झाला होता.