मुंबई : सुट्टी मिळाली की जोडीदारासोबत किंवा कुटुंबासोबत फिरायला जाण्याची स्वप्नं प्रत्येकजण बघू लागतो. पण अशा वेळी जवळपासच्या ठिकाणीच जाण्याचं नियोजन करावं लागतं.

लांबच्या ठिकाणी जायचं म्हणजे ४-५ दिवसांचा वेळ तरी पाहिजेच. पण एवढे दिवस ऑफिसमधून सुट्टी मिळणं कठीण असतं. त्यामुळे शक्य होत नाही.

परवा प्रजासत्ताक दिन आहे. त्यासाठी पर्यटनाचं नियोजन कसं करायचं ते पाहू. हेही वाचा - ..या शहरात सापडतात शेकडो रोनाल्डो आणि मेस्सी

२६ जानेवारीची सुट्टी बहुतांश कार्यालयांमध्ये अधिकृतरित्या दिली जाते. त्यामुळे हा एक दिवस तुम्हाला फिरण्यासाठी मिळत आहे. आता तुम्हाला फक्त शुक्रवारी म्हणजे २७ जानेवारीला सुट्टी घ्यायची आहे.

बहुतांश कार्यालयांना शनिवार आणि रविवारी सुट्टी असते. त्यामुळे हे दोन दिवसही तुम्हाला फिरण्यासाठी मिळतील. म्हणजे एकूण ४ दिवसांची सुट्टी मिळेले.

फिरायला जास्तीत जास्त वेळ मिळावा यासाठी तुम्ही बुधवारी म्हणजेच २५ जानेवारीला रात्री निघू शकता.

प्रवासाचं नियोजन कसं असावं ?

२५ जानेवारी - बुधवार, रात्री निघा.

२६ जानेवारी - गुरुवार (प्रजासत्ताक दिन) ही सरकारी सुट्टी आहे.

२७ जानेवारी - शुक्रवार (तुम्हाला या दिवशी सुट्टी घ्यावी लागेल.)

२८ जानेवारी - शनिवार, वीकेण्डची सुट्टी.

२९ जानेवारी - रविवार, वीकेण्डची सुट्टी.

या ४ दिवसांच्या सुट्ट्यांमध्ये तुम्ही कुटुंब, मित्र किंवा जोडीदारासोबत प्रवास करण्याचा विचार करत असाल तर तुम्ही उत्तर भारतातील अनेक उत्तम ठिकाणांना भेट देऊ शकता.

जर तुम्ही डोंगराळ ठिकाणांना भेट देण्याचा विचार करत असाल तर तुम्ही लॅन्सडाउन, डेहराडून, मसुरी, परवानू, हरिद्वार आणि ऋषिकेश यांसारख्या ठिकाणी जाऊ शकता.

जर तुम्ही २६ जानेवारीच्या वीकेण्डला वाळवंटी भागात जाण्याचा विचार करत असाल तर तुम्ही जयपूर, उदयपूर, जैसलमेर, बिकानेर इत्यादी अनेक शहरांना भेट देण्यासाठी जाऊ शकता. या शहरांमध्ये २६ जानेवारीचा दिवस उत्साहात साजरा केला जातो.

याशिवाय, जर तुम्ही दक्षिण-भारतातील काही उत्तम ठिकाणांना भेट देण्याचा विचार करत असाल तर तुम्ही विमानाने जाऊ शकता. दक्षिण-भारतात तुम्ही केरळ, मुन्नार, अलेप्पी, कुर्ग, हम्पी किंवा उडुपी सारख्या ठिकाणी भेट देऊ शकता. विमानाने प्रवास केल्याने तुमचा वेळ वाचेल.