Healthy Skin In Monsoon : पावसाळ्यात आरोग्यासह त्वचेची काळजी घेणे गरजेचे असते. अनेकांना पावसाळा खूप आवडतो. पण या ऋतूमध्ये त्वचेशी संबंधित अनेक समस्या उद्भवू लागतात. म्हणूनच या ऋतूत त्वचेची विशेष काळजी घेणे खूप गरजेचे आहे.
त्याचबरोबर तेलकट त्वचेमुळे पावसाळ्यात फोड आणि पिंपल्सची समस्याही वाढते. अशा परिस्थितीत त्वचेची विशेष काळजी न घेतल्यास ही समस्या आणखी गंभीर होऊ शकते. म्हणूनच आज आम्ही तुम्हाला अशाच काही टिप्स सांगणार आहोत, ज्याचा वापर करून तुम्ही पावसाळ्यात तुमच्या चेहऱ्याची चमक कायम ठेवू शकता.
बटाट्याचा रस चमकदार त्वचेसाठी फायदेशीर असतो. पावसाळ्यात बटाट्याचा रस लावावा. कारण अनेक समस्या दुर होतात. यासाठी बटाटा किसून घ्या आणि नंतर त्याचा रस गाळून घ्या. यानंतर बटाट्याचा रस मुलतानी मातीमध्ये मिसळून २० मिनिटे चेहऱ्यावर लावा आणि नंतर साध्या पाण्याने धुवा.
पावसाळ्यात चेहऱ्यावर चंदन पावडर लावणे फायदेशीर ठरते. तुम्ही चंदनाचा पॅक बनवून चेहऱ्यावर लावू शकता. यामुळे त्वचा चांगली राहते. तसेच चंदन पावडरचा वापर केल्याने टॅनिंग दूर होते आणि सुरकुत्याही कमी होतात.
कोरफड एक अशी गोष्ट आहे, जी प्रत्येक ऋतूमध्ये चेहऱ्यावर लावली पाहिजे. त्वचा, केस आणि आरोग्यासाठी फायदेशीर आहे. चेहऱ्यावर कारफड जेल लावल्याने मुरुमांपासून सुटका मिळते. तसेच अँटी-इंफ्लेमेटरी गुणधर्माने समृद्ध कोरफड वापरल्याने ग्लो कायम राहतो.
पावसाळ्यात आंघोळीच्या पाण्यामध्ये कडुलिंबाच्या पानांचा रस किंवा पाने घातली एकदम उत्तम असते. त्यामुळे शरीराला येणारी खाज ही कमी होते. आंघोळीपूर्वी हातापायांना जर आपण तेल लावले आणि त्यानंतर अर्ध्या तासाने जर आंघोळ केली तर अजून फायदेशीर ठरते.
— रेणूका देशपांडे - लोहगावकर, त्वचा शास्त्र अभ्यासक
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.