Anant Radhika Wedding :

अनंत राधिकाचा विवाह सोहळा नुकताच पार पडला आहे. ज्या लग्नाची अनेक वर्ष चर्चा होईल असाच हा विवाह सोहळा होता. कोणत्याबी प्रकारची कमी या लग्नात दिसली नाही. आता या लग्न सोहळ्याच्या रिसेप्शनचे व्हिडिओ व्हायरल झाले आहेत. त्यामध्ये अनंत-राधिका एका सामन्य महिलेचा आशिर्वाद घेताना दिसत आहेत. ती महिला कोण असा प्रश्न आता सोशल मिडियावरील अंबानी चाहत्यांना पडला आहे.

सोशल मीडियावर अंबानी कुटुंबाचा एक व्हिडिओ समोर आला आहे. हा व्हिडिओ व्हायरल होताच अंबानी कुटुंबाचे सर्वत्र कौतुक होत आहे. आता ते ज्या पद्धतीने त्यांच्या कार्यक्रमांमध्ये आदरातिथ्य करत आहेत ते पाहून संपूर्ण जग प्रभावित झाले आहे. (Anant Radhika Wedding )

अनंत अंबानी आणि राधिका मर्चंटच्या लग्नाच्या फंक्शनचा एक खास व्हिडिओ समोर आला आहे. यामध्ये नवदाम्पत्यांनी सर्व लोकांसमोर एका सामान्य दिसणाऱ्या महिलेचे पायाला हात लावून आशिर्वाद घेतला आहे. ती महिला दुसरी-तिसरी कोणी नसून ती प्रसिद्ध म्हैसूर कॅफेची मालकीण आहे. या कॅफेचे आणि अंबानी कुटुंबियांचे अनेक वर्षांचे ऋणानुबंध आहेत.

श्रीमती शांतेरी नायक यांना पाहून अंबानी कुटुंब एकत्र आले आणि त्यांचे आदरातिथ्य दाखवले. अनंत आणि त्याची वहिनी श्लोका खूप आनंदात आहेत. अनंत आधी सर्वांना सांगतो की या म्हैसूर कॅफेची मालकीण आहेत. आणि मग तो लगेच त्याच्या पत्नीला बोलवतो ज्यामुळे त्याही नववधुला भेटू शकल्या.

यानंतर राधिकाने या वृद्ध महिलेचा हात धरला आणि डोके टेकवून तिचे आशिर्वाद घेतले. राधिका म्हणाली की, मी आठवड्यातील एक दिवस त्यांच्या हॉटेलमध्ये जेवते. अनंत अंबानी आणि श्लोका मेहता ज्या प्रकारे या वृद्ध महिलेला आदर देत आहेत आणि तिच्या चरणांना स्पर्श करत आहेत, ते पाहून या कुटुंबाबद्दल लोकांचा आदर आणखी वाढला आहे.