Benefits Of Tulsi Mala: आषाढी वारीसाठी संत तुकाराम महाराजांची पालखी देहूमधून पंढरपूरकडे प्रस्थान करणार आहे. यासाठी विविध ठिकाणांहून वारकरी आणि भक्त या सोहळ्यात सहभागी होण्यासाठी येतात. या वारकऱ्यांच्या गळ्यात तुळशीची माळ असते. ही माळ घालण्याचे नियम आणि महत्व काय आहे हे जाणून घेऊया.

हिंदू धर्मात तुळशीच्या रोपाला खुप महत्व आहे. अनेक लोकांच्या घरी तुळशीचे रोप असतात. मान्यतेनुसार घरासमोर तुळशीचे रोप असणे शुभ मानले जाते. शास्त्रानुसार या रोपामध्ये माता लक्ष्मीचा वास असतो.

तुळशीमाळ घालण्याचे फायदे

तुळशीमाळ घातल्याने अनेक संकटांपासून मुक्ती मिळते.

धार्मिक महत्व असण्याबरोबरच याचे आरोग्यदायी फायदे देखील आहेत.

वास्तुनुसार तुळशीमाळ घातल्याने बुध आणि शुक्र ग्रह मजबूत होतात आणि मन शांत राहते.

तसेच मन शांत आणि आत्मा शुद्ध होते.

तुळशीमाळ गळ्यात घातल्याने अॅक्युप्रेशर पॉइंटवर दबाव आणला जातो, व मानसिक तणाव कमी होतो.

स्मरणशक्ती वाढविण्यात देखील तुळशीमाळ मदत करते.

तुळशीमाळेमुळे रोगप्रतिकारशक्ती वाढवण्यास मदत करते.

कोणत्या नियमांचे पालन करावे

तुळशीमाळ घालण्यापुर्वी गंगाजलने धुवावी आणि सुकल्यानंतर घालावी.

तुळशी माळेचा रोज जप करावा.

यामुळे भगवान विष्णू प्रसन्न होतील.

तुळशीमाळ घातल्यावर सात्विक आहार घ्यावा.

कांदा, लसूण,मांस आणि इतर पदार्थांचे सेवन करणे टाळावे.

तुळशीमाळेचं महत्व

पौराणिक कथेनुसार तुळशीला वरदान आहे की भगवान विष्णू केवळ तुळशीची पाने अर्पण केलेले नैवेद्यच स्वीकारतात. जे लोक तुळशीमाळ घालतात त्यांना भगवान विष्णू आश्रयामध्ये घेतात आणि त्या लोकांना वैकुंठाची प्राप्ती होते.

तुळशीमाळ कशी ओळखाल?

तुळशीमाळ ओळखण्यासाठी अर्ध्या तासासाटी पाण्यात ठेवावे. जर त्याचा रंग निघाला तर समजून घ्या की ही एक बनावट माळ आहे.