पुणे : हिंदू धर्मात दिव्याला अनन्य साधारण महत्त्व आहे. कारण हिंदू धर्मात अग्नीला पवित्र मानले जाते. घरी लावला जाणारा दिवा म्हणजे अग्नीदेवतेचे छोटे स्वरूप मानले जाते. जे घरात सकारात्मक उर्जा निर्माण करता. त्यामूळे सर्वच घरांमध्ये सकाळ संध्याकाळ देवासमोर दिवा लावला जातो. पण, शास्त्रानूसार दिवा लावण्याचे काही नियम सांगितले आहेत. (Astro Tips : Rules of worship Deepak lighting in house)

दिव्याच्या प्रकाशाने देव प्रसन्न होतो आणि जीवनातील अंधार नाहीसा होतो. शास्त्रानुसार ज्या घरात दिवे लावले जातात. त्यांच्या जीवनातील अंधार नाहीसा होतो. तूम्हालाही दिवा लावण्याची योग्य पद्धत जाणून घ्यायची असेल तर हा लेख नक्की वाचा.

दिवा लावण्याचे योग्य नियम.

तुटलेला दिवा कधीही पूजेत वापरू नये.

तुपाच्या दिव्यात पांढरी कापसाची वात आणि तेलेच्या दिव्यात लाल वात लावावी.

पूजा सुरू असताना दिवा विझू नये, याकडे लक्ष ठेवा.

पूजेसाठी नेहमी स्वच्छ दिवा वापरावा. दिवा मातीचा असेल तर प्रत्येकवेळी नवीन दिवा वापरावा.

नेहमी देवाच्या डाव्या बाजूला तुपाचा दिवा तर उजव्या बाजूला तेलाचा दिवा लावावा.

दिवा लावताना नेहमी पुढील मंत्राचा जप करावा.

'दीपो ज्योति परंब्रह्म दीपो ज्योतिर्जनार्दन:। दीपो हरतु मे पापं संध्यादीप नमोस्तुते।।शुभं करोति कल्याणम् आरोग्यम् धनसंपदा।शत्रुबुद्धिविनाशाय दीपकाय दीपकाय नमोस्तुते।।'