बाहेरील वातावरणाचा परिणाम आपल्या शरीरावर आणि मनावर होत असतो. त्यामुळे अनेकदा वातावरणात मळभ आलं की आपल्याला सुद्धा कंटाळा येतो किंवा आपण सुस्त होतो. हे प्रकार अनेकदा ऑफिसमध्ये घडत असल्याचं पाहायला मिळतं. बऱ्याचदा ऑफिसमध्ये काम करताना आपल्याला कंटाळा येतो किंवा सतत झोप येते. परंतु, कामापुढे आपल्याला या सगळ्या गोष्टींकडे दुर्लक्ष करावं लागतं. झोपेकडे दुर्लक्ष जरी केलं तरीदेखील जांभई मात्र वारंवार येत असते. त्यामुळेच ऑफिसच्या कामात सतत त्रास देणारी जांभई कशी थांबवयाची किंवा येणाऱ्या झोपेला कसं आवरायचं ते पाहुयात. (be-careful-are-you-staying-in-the-office-more-often-it-will-be-troublesome)

१. अंघोळ करणे -

हो. अंघोळ करणं हा सर्वोत्तम पर्याय आहे. त्यामुळे ऑफिसमधून घरी गेल्यानंतर दररोज रात्री अंघोळ करुन झोपणं गरजेचं आहे. रात्री अंघोळ केल्यामुळे झोप चांगली लागते. परिणामी, झोप नीट झाल्यामुळे ऑफिसमध्ये सारखी डुलकी लागत नाही. तसंच सकाळी लवकर उठून अंघोळ केल्यामुळे मूड फ्रेश राहतो.

२. जॅकेट, स्कार्फ घेऊन काम करु नका -

ऑफिसमध्ये असलेल्या एसीची हवा सहन न झाल्यामुळे काहींना जॅकेट किंवा स्कार्फ गुंडाळून बसण्याची सवय असते. मात्र, ही सवय वेळीच सोडा. जॅकेट किंवा स्कार्फमुळे तुमच्या शरीराभोवती उबदार वातावरण निर्माण होतो. त्यामुळे सहाजिकच झोप येण्याची शक्यता अधिक असते.

३. ब्रेकफास्ट करा -

बऱ्याचदा ऑफिसला पोहोचायला उशीर झाला की आपण नाश्ता न करताच घराबाहेर पडतो. त्यामुळे उपाशीपोटी थकवा जाणवायला लागतो. परिणामी, थकवा आला की आळस हा आपोआप येतच असतो. म्हणूनच, ऑफिसमध्ये येणारी झोप किंवा जांभई टाळायची असेल तर पोटभर नाश्ता जरुर करा.

४. पाणी पित रहा -

झोप घालवण्याचा बेस्ट पर्याय म्हणजे पाणी पिणं. जर तुम्हाला जांभई किंवा झोप येत असेल तर पाणी नक्की प्या. त्यामुळे वारंवार येणारी जांभई दूर होते.

५. च्युईंगम खा -

च्युईंगम खाल्ल्यामुळे झोप उडते. तोंडाची सतत हालचाल सुरु असल्यामुळे झोपेकडे दुर्लक्ष होतं.