आपली त्वचा नेहमी ग्लो करावी अशी प्रत्येकाची इच्छा असते. यासाठी लोक सर्व प्रकारचे केमिकल बेस्ड प्रोडक्ट वापरतात, तर अनेकांना घरगुती उपाय वापरून त्वचा चमकदार बनवायची असते. मात्र, प्रत्येक वेळी अपेक्षित निकाल मिळणे शक्य होत नाही. अशा परिस्थितीत त्वचेशी संबंधित समस्या दूर करण्यासाठी आणि त्वचा चमकदार बनवण्यासाठी बीटरूट खूप फायदेशीर मानले जाते.

व्हिटॅमिन सी, व्हिटॅमिन ए, फोलेट, आयर्न आणि मॅग्नेशियम भरपूर प्रमाणात असलेले बीटरूट आरोग्यासाठी तसेच त्वचेसाठी अनेक फायदे प्रदान करते. बीटरूटच्या सेवनाने त्वचेवर नैसर्गिक चमक येते आणि डाग आणि पिगमेंटेशनच्या समस्या दूर होण्यासही मदत होते. आज आम्ही तुम्हाला बीटरूट त्वचेसाठी किती फायदेशीर आहे आणि त्याचा वापर कसा करावा हे सांगणार आहोत.

वृद्धत्व विरोधी गुणधर्म

बीटरूट सुरकुत्या आणि कोरड्या त्वचेच्या समस्येपासून मुक्त होण्यासाठी खूप प्रभावी आहे. यामध्ये लाइकोपीन आणि स्क्वालेन देखील कमी प्रमाणात आहे, ज्यात वृद्धत्व विरोधी गुणधर्म असल्याचे दिसून आले आहे.

गलोविंग स्किन

व्हिटॅमिन सी कोलेजनचे उत्पादन वाढवते, ज्यामुळे त्वचेला चमक येते. बीटरूटचे नियमित सेवन केल्याने त्वचा चमकदार बनते.

त्वचेला हायड्रेट ठेवते

बीटरूटमध्ये सुमारे 87 टक्के पाणी असते, जे त्वचा आणि शरीराला हायड्रेट ठेवण्यास मदत करते. अशा परिस्थितीत उन्हाळ्यात त्वचा हायड्रेट ठेवण्यासाठी बीटरूटचे सेवन जरूर करा.

तुम्ही बीटरूटचा ज्यूस घरगुती फेस पॅक बनवण्यासाठी वापरू शकता. अशा प्रकारे तुम्ही तुमच्या त्वचेला मॉइश्चरायझ करू शकता, टॅनिंग कमी करू शकता आणि काळ्या वर्तुळांपासून देखील मुक्त होऊ शकता. बीटरूट फेस पॅक तयार करण्यासाठी बीटरूटला खोबरेल तेल, दही आणि कच्या दुधामध्ये मिक्स करा आणि चेहऱ्यावर लावा. असे केल्याने त्वचेशी संबंधित सर्व प्रकारच्या समस्या दूर होण्यास मदत होईल.