Chocolate Bouquet Making : चॉकलेट डे ला प्रिय व्यक्तीला चॉकलेट दिलं जातं. पण रेडिमेड चॉकलेट घेऊन देण्यापेक्षा स्वतःच्या हाताने बनवून देण्याची मजा आणि गोडी काही औरच असते. असं म्हणतात प्रेमाच्या माणच्या प्रेमाची गोडी त्यात उतरते. घरच्या घरी चॉकलेट बनवून त्याचा स्वतःच बुके बनवून प्रिय व्यक्तीला तुम्ही देऊ शकतात. त्यासाठी जाणून घ्या प्रक्रिया.
घरी चॉकलेट कसे बनवावे?
साहित्य
डार्क चॉकलेट केक
व्हाईट चॉकलेट केक
चॉकलेट शेप ट्रे
कृती -
पहिले एका मोठ्या भांड्यात पाणी घेऊन ते गरम करून घ्यावे. त्यात एक तुलनेने लहान भांड ठेवून त्यात पहिले थोडे डार्क चॉकलेट घेऊन चमच्याने हलवत राहून वितळवून घ्या. डार्क चॉकलेट पूर्ण वितळले की, त्यात थोडे थोडे व्हाईट चॉकलेट घाला. चॉकलेट किती डार्क किंवा माइल्ड करायचे याचा अंदाज घेत व्हाइट चॉकलेटचं प्रमाण वाढवा.
संपूर्ण मिश्रण वितळल्यावर गॅसवरून उतरवून घ्या आणि ते पातळ असताना विविध आकाराच्या चॉकलेट मोल्डमध्ये टाका. थोडं हलवून त्यातील बबल्स काढून टाका. मग ते मोल्ड्स फ्रिजरमध्ये २-४ तासांसाठी ठेवा.
चॉकलेट छान सेट झाल्यावर चमकीच्या रॅपर्समध्ये छान रॅप करा.
बुके कसा बनवावा?
सगळ्यात पहिले रॅप केलेल्या चॉकलेट्सला लावण्यासाठी लांब पण बारीक बांबूच्या काड्या घ्या. त्या चॉकलेटच्या मागच्या बाजूने फुलाच्या दांडीप्रमाणे चिकटवा.
मग बुके नेमका कसा बनवायचा आहे, बास्केट की, हँडी त्यानुसार त्याची रचना ठरवता येते.
त्यासाठी जर बास्केट बुके बनवायचा असेल तर एक बास्केट घेऊन त्यात आता चौकोनी जाड स्पंज ठेवा.
बास्केटला हँडल असेल तर सॅटीन रिबीन गुंडाळून सगळ्यात आधी हँडल आणि बास्केटचा बाहेरचा भाग सजवा.
त्यानंतर स्पंज झाकण्यासाठी त्यावरून गिफ्ट पेपर लावा.
चॉकलेटच्या काड्यांसह लहान मोठ्या उंचीने चॉकलेट स्पंजवर खोचून अरेंज करा.
बास्केटमध्ये रंगीत थरमाकोल बॉल्स टाका. आणि त्यावर वरून चमकी भूरकवा.
त्यात ड्राय फ्लावर किंवा पानांना रंगवून ते खोचावे.
हँडी बुकेसाठी
चॉकलेट काड्या स्पंजवर खोचून घ्याव्या. त्यासोबत छोटे कापडी फुलं किंवा डेकोरेशनसाठी आवश्यक ड्राय फ्लावर्स खोचावे.
डार्क किंवा काँस्ट्रास्ट रंगाच्या शायनिंग पेपरचा कोन नवावा. तो नीट स्पंज भोवती लावावा.
हे सर्व रबरबँड लावून फिक्स करावं.
त्यावरून सॅटीन रिबन गुंडाळून रबर बँड झाका.
त्यासोबत एक छानसा छोटासा टेडी, गिफ्ट काहीही देऊ शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.