The Oldest Church Celebrate Christmas On 6 Jan : ख्रिसमस म्हटलं की जसा सांता, ख्रिसमस ट्री या गोष्टी पटकन आठवतात तसंच चर्च हा सुध्दा ओघानेच येणारा विषय आहे. सगळ्याच चर्चमध्ये ख्रिसमससाठी जोरदार तयारी सुरू झाली आहे.

दरवर्षी 25 डिसेंबर रोजी ख्रिसमसचा सण जगभरात आनंदाने आणि थाटामाटात साजरा केला जातो. ख्रिसमस हा सण ख्रिश्चन धर्मातील लोकांसाठी असला, तरी आजच्या काळात तो सर्वजण साजरा करतात. असे म्हणतात की, 25 डिसेंबर रोजी देवाचे पुत्र प्रभु येशूचा जन्म झाला.

ख्रिसमसच्या दिवशी चर्चमध्ये जाऊन प्रार्थना करण्याला विशेष महत्त्व आहे. प्रत्येक शहरात चर्च आहेत आणि प्रत्येक चर्चची स्वतःची श्रद्धा देखील आहे. हा सण अत्यंत पवित्र समजला जातो.

येशू सोबतच होता या चर्चचा उदय

तुम्हाला माहित आहे का की, जगात असे सुद्धा चर्च आहे, जिथे ख्रिसमस 25 डिसेंबर ऐवजी 6 जानेवारी रोजी साजरा केला जातो. असं म्हणतात की, ख्रिस्ती धर्माचा उदय येशू ख्रिस्ताच्या जन्मानंतरच झाला. त्यावेळी आर्मेनियन अपोस्टोलिक चर्चचाही उदय झाला.

काय आहे कथा

असेही म्हटले जाते की, चौथ्या शतकात राजा टिरिडेट्सने ख्रिश्चन धर्माला आर्मेनियाचा राज्य धर्म बनवला. एवढेच नाही तर, त्या राजाने ग्रेगरीला पहिला कॅथलिक बनवले आहे. असे मानले जाते की, ग्रेगरीने येशूला पृथ्वीवर उतरताना पाहिले होते.

ग्रेगरीनेच राजाला अर्मेनियामध्ये चर्च बांधण्याचा प्रस्ताव दिला होता. आता अर्मेनिया हे जगातील सर्वात जुने चर्च मानले जाते. आजच्या काळात अर्मेनिया हा ख्रिश्चन शासित देश बनला.

6 जानेवारीला ख्रिसमस होतो साजरा

अर्मेनियन अपोस्टोलिक चर्चने 25 डिसेंबर ऐवजी 6 जानेवारीला ख्रिसमस साजरा केला होता, असे म्हटले जाते. मात्र, तज्ज्ञांच्या मते, 6 जानेवारीला एपिफेनी हा सण साजरा केला जातो आणि या सणाच्या निमित्ताने ख्रिसमस साजरा केला जातो.