पूणे : लोक रिलेशनशिपमध्ये येतात आणि एकमेकांना डेट करायला लागतात. तेव्हा त्यांचे आयुष्यही बदलू लागते. डेटिंग असो किंवा लग्न, रिलेशनशिपमध्ये आल्यानंतर दोघांच्या आयुष्यात बरेच बदल होतात. सुरुवातीचे काही दिवस नात नवं असतं.

नव्याचे नऊ दिवस चांगले अगदी मजेत एकमेकांना समजून घेण्यात जातात. एकमेकांना काय आवडत, काय नाही याची काळजी घेतली जाते. पण कालांतराने नातं जूनं होतं आणि मग नात्यात स्पेशल असं काहीच उरत नाही. अशावेळी आपली माणसं कधीही समजवायला येत नाहीत.

आतापर्यंत सिंगल लाईफ एन्जॉय करणाऱ्यांना भविष्यातील पार्टनरचाही विचार करावा लागतो. लग्न झाल्यावरही अनेकजण आपण सिंगल आहोत असेच वागतात. त्यामुळे लग्न झाल्यानंतर कोणते बदल करायला हवेत. याबद्दल जाणून घेऊयात.

लग्नांनंतर लोक जोडीदाराच्या वेळेशी जुळवून घेऊ लागतात. सकाळी उठण्याची वेळ, नाश्ता करण्याची, जेवणाची या वेळा एकच होतात.त्यामुळे जोडीदाराचा विचार करून त्याप्रमाणे त्याच्या वेळेशी जुळवून घेणे महत्त्वाचे आहे.

सिंगल लाइफमध्ये पती-पत्नीवर कसलीही जबाबदारी नसते. पण लग्नानंतर एकमेकांची जबाबदारी त्यांच्यावर येते. जोडीदाराच्या गरजा, त्याला हवं नको पाहणे याची जबाबदारी घ्यावी लागते.

अनेकदा आपल्याला आवडत नाहीत त्या गोष्टी जोडीदाराला आवडू लागतात. त्यामुळे त्यातही बदल करावा लागतो. पतीला अ‍ॅक्शन चित्रपट आवडत असेल तरी ती आवड बाजूला सारून तो पत्नीच्या आवडीचा रोमँटिक चित्रपट पाहतो.लग्नाआधी मित्र कलीग यांना देण्यात येणारी प्राथमिकता लग्नानंतर रिलेशनशिपमध्ये जोडीदाराला द्यावी लागते.