Crossword Puzzle : आपण आयुष्यात एकदा तरी शब्दकोडं सोडवलं असेलच. वृत्तपत्रांमध्ये शब्दकोड्यांना एक वेगळी जागा असायची. मेंदूला चालना देणारा हा मनोरंजक खेळ म्हणून ओळखला जायचा. परंतु, कालातंराने याची क्रेझ कमी होत गेली. आजकाल आपल्या घरातील मोठी माणसं रिकाम्या वेळीत ही कोडी सोडवताना आपल्याला दिसतात. तुम्हालाही कोडी सोडवायला आवडत असेल तर काही मिनीटांमध्ये तुम्ही आपल्या फोनवरही ती सोडवू शकता.

लहान मुलांपासून मोठ्यांपर्यंत अनेकजण मोबाईलवर ऑनलाइन गेम खेळतात. त्यामुळे आज ही शब्दकोडी मुलांच्या ओळखीची राहिली नाहीत. परंतु, जर तुम्हाला मुलांना शब्दकोडी सोडवायला लावयची असतील तर, ही शब्दकोडी आता ऑनलाईन सोडवता येणार आहेत.

कशी असतील शब्दकोडी? आणि ती कशी खेळाल

ऑनलाईन शब्दकोडे लहान, मध्यम, मोठे, अजून मोठे, अजून अजून मोठे या पर्यांयांमध्ये उपलब्ध आहे. त्यामुळे तुम्ही तुमच्या वेळेनुसार पर्याय निवडू शकणार आहात. तसेच शब्दकोडी विविध प्रकारची असणार आहे.

यामध्ये सर्वसमावेशक, मजेशीर, शब्दकोश, सामन्य ज्ञान, मराठी-इंग्रजी, इंग्रज-मराठी, स्पर्धा परीक्षा, घोटाळे ओळखा? असे तुमच्या आवडीचे विषय तुम्ही निवडू शकता.

तर काही ठिकाणी त्या शब्दांचा इंग्रजी अर्थ देण्यात आलेला असेल अथवा शब्दांचे पर्याय दिलेले असतील त्यातून तुम्हाला पटापट ही कोडी सोडवता येतील.

अशी रितीने अनेकांना एका वेगळ्या रुपात आपला छंद जपता येईल. यामुळे मेंदूचा व्यायामही होणार आहे. ऑनलाईन शब्दकोडे सोडवण्यासाठी खाली दिलेल्या लिंकवर क्लिक करा.

https://crosswordhouse.com/