इंडिया पोस्ट पेमेंट्स बँक (IPPB) ने देखील आपल्या ग्राहकांसाठी गॅस बुकिंगची सुविधा उपलब्ध करून दिली आहे. पोस्ट पेमेंट्स बँकेकडून याबाबत माहिती देण्यात आली. नेमकी काय प्रक्रिया आहे ही?

पोस्टाच्या या नव्या सुविधेबाबत माहिती

आयपीपीबीने ट्विट करत पोस्टाच्या या नव्या सुविधेबाबत माहिती दिली आहे. सोबतच एक व्हिडीओ देखील शेअर करण्यात आला आहे. आता आमच्या ग्राहकांना आयपीपीबी अ‍ॅपच्या माध्यमातून गॅस सिलिंडरची बुकिंग करता येणार आहे, हे सांगताना आम्हाला आनंद होत असल्याचे ट्विटमध्ये म्हटले आहे. सोबत शेअर करण्यात आलेल्या व्हिडीओमध्ये हे अ‍ॅप डाऊनलोड कसे करायचे, खाते कसे ओपन करायचे इथपासून ते गॅस सिलिंडर कसे बूक करायचे इथपर्यंत सर्व माहिती देण्यात आली आहे.