दिवाळी हा आनंदाचा सण आहे. दिवाळीच दिवे लावून एकमेकांना शुभेच्छा देत आनंद साजरा केला जातो. पण, भारतात असं एक गाव आहे जिथली प्रथा काहीशी वेगळी आहे.
दिवाळी दिवशी घरांची सजावट केली जाते. या दिवशी लोक आपापल्या घरात दिवे लावतात. रंगीबेरंगी दिव्यांनी घर सजवतात आणि धनाची देवी लक्ष्मी आणि भगवान श्री गणेशाची पूजा करतात. या दिवशी लोक सुख आणि समृद्धी मिळविण्यासाठी देवी लक्ष्मीची वेगवेगळ्या प्रकारे पूजा करतात.
पण बिहारमधील एका गावात दिवाळीच्या काळात एक अनोखी परंपरा पाळली जाते. या दिवशी घरातील महिला दारिद्र्याला घरातून हाकलून देतात आणि देवी लक्ष्मीचे आवाहन करतात.
दिवाळीच्या दुसऱ्या दिवशी सकाळी ही परंपरा पूर्ण होते. ही परंपरा प्राचीन काळापासून चालत आलेली आहे. दिवाळीच्या दुसऱ्या दिवशी सकाळी संपूर्ण राज्यात ही परंपरा मोठ्या थाटामाटात साजरी केली जाते.
या गावातील सर्व महिला दिवाळीच्या दुसऱ्या दिवशी पहाटेची वाट पाहतात. पहाटे ब्रह्ममुहूर्तावर घरातील महिला शेणाने सारवलेल्या सुपावर काठीने मारत फिरते. घरातील कानाकोपऱ्यात हे सूप फिरवले जाते. केवळ घरात नाहीतर अंगणात, गोठ्यातही हे सूप फिरवून दु:ख, दारिद्र्य बाहेर जाऊदेत, बाहेरची लक्ष्मी घरात येऊदेत, अशी प्रार्थना म्हणली जाते.
अंगणातून फिरवून झाल्यावर गावातली सगळी मंडळी प्रत्येक घरातील सूप अन् काठी घेऊन गावाच्या वेशीवर माळावर येतात. अन् तिथे हे सूप अन् काठी जाळले जाते.
असे केल्याने घरातील सर्व दारिद्र्य सूपासह निघून जाते आणि अग्नीत जळून जाते. देवी लक्ष्मीसोबत सुख,शांती, समृद्धीचा गृहप्रवेश होतो, अशी मान्यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.