Diwali Crackles Increases Stress Level of Pet Animals : दिवाळीत प्रत्येक घरात उत्साहाचं वातावरण असतं. पण जर तुमच्याही घरात कुत्रा, मांजर असे Pet Animals असतील तर तुम्हाला कल्पना आहे का की, या काळात त्यांची स्ट्रेस लेव्हल वाढलेली असते.

अशावेळी आपल्या पाळीव प्राण्यांचा स्ट्रेस कमी करण्यासाठी तुम्ही काही तयारी केली आहे का? जाणून घेऊया.

दिवाळीत नेहमीच फटाके फुटू लागले की, हे प्राणी घाबरून एका कोपऱ्यात बसलेले असतात. या काळात भटके कुत्रे, मांजरी पण रस्त्यांवर दिसत नाहीत. लहान मुले आणि पाळीव प्राणी एकदम सारखे असतात. त्यांना प्रत्येक शिकवावी लागते तसं त्यांना जपावं पण लागतं.

माणसांपेक्षा पाळीव प्राण्यांना जास्त तीव्र ऐकू येतं

कुत्रा, मांजरीत ऐकण्याची क्षमता माणसांपेक्षा जास्त असते. मांजरींना ५५ हर्ट्ज ते ७७ किलो हर्ट्ज ऐकायला येतं. तर कुत्र्यांना ६४ हर्ट्ज ते ४४ किलो हर्ट्ज पर्यंत आवाज ऐकायला येतो. तर माणसांची ऐकण्याची क्षमता २० हर्ट्ज त् २० किलो हर्ट्ज एवढी असते. याचाच अर्थ प्राण्यांचे कान माणसांपेक्षा जास्त सेंसिटिव्ह असतात.

त्यामुळे जे आवाज आपल्याला नॉर्मल वाटतात ते त्यांच्यासाठी दुप्पट तीव्र असतात. त्यामुळे ते अस्वस्थ होतात आणि घाबरतात. त्यामुळे त्यांची लाळ जास्त टपकते. ते अस्वस्थ होऊन इकडे तिकडे फेऱ्या मारतात.

हे उपाय करा

• प्राण्यांना दिवाळीत एकटं सोडू नका.

• घरात सौम्य म्युझिक वाजवा, ज्यामुळे त्यांचं लक्ष फक्यांपासून दूर होईल.