Dussehra 2024: हिंदू धर्मात दसऱ्याला खुप महत्व आहे. यंदा 12 ऑक्टोबरला म्हणजेच शनिवारी दसरा साजरा केला जाणार आहे. दसऱ्यालाच विजयादशमी देखील म्हटले जाते. या दिवशी माता दुर्गेने महिषासुराचा वध केला होता असे मानले जाते तर श्रीरामांनी लंकेत जाऊन रावणाचा वध केला होता. यामुळे हा दिवस अतिशय शुभ मानला जातो. या दिवशी वाईट सवयी सोडून जीवनाकडे सकारात्मक दृष्टीने पाहायची शिकवणे देते. विजयादशमी शनिवारी आल्याने तुम्ही पुढील काही उपाय करू शकता. ज्यामुळे दारिद्र्य आणि सातेसातीपासून सुटका मिळू शकते.

अपराजित फुलांची पूजा

दसऱ्याच्या दिवशी अपराजित फुलांची पूजा करावी. तुमच तुमचे कोणते काम थांबले असेल तर हाती घेतलेल्या कामात यश मिळेल. तुम्ही हातात देखील हे फुल बांधू शकता.  

सुंदरकांड पाठ

तुम्हाला आजार दूर ठेवायचे असेल तर दसऱ्याच्या दिवशी संदरकांड ठेऊ शकता. याचे पठण करणे शुभ मानले जाते. सुंदरकांड हे शनिवारी करणे शुभ मानले जाते. हातात नारळ ठेऊन हे पाठ करावा आमि नंतर रावण दहनात टाकावे.

पिवळ्या गोष्टींचे दान

दसऱ्याला ब्राम्हणांना किंवा गरिबांना पिवळ्या गोष्टींचे दान करावे. यात वस्त्र, नारळ, मिठाई किंवा फळांचा समावेश करू शकता. यामुळे आर्थिक समस्या दूर होईल.

हनुमान चालीसा

शनिदेवाच्या साडेसातीपासून सुटका हवी असेल तर दसऱ्याला हनुमान चालीसाचे पठण करावे. तसेच शमीच्या झाडाखाली तिळाच्या तेलाचा दिवा लावावा. यामुळे साडेसातीचा त्रास कमी होईल.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.