सध्या लग्नाचा सिझन सुरु आहे. सोशल मिडियावर रोज लोक लग्न अटेंड करतानाचे फोटो पोस्ट करत आहे. विशेषत: महिला नवीन नवीन ट्रेंड आणि फॅशनबाबतीत खूप अॅक्टिव्ह आहे. सध्या असाच एका महिलेचा फॅशन ट्रेंडचा व्हिडिओ सोशल मिडियावर व्हायरल झाला ज्यामध्ये महिलेने ब्लाऊज ऐवजी हटके एक्सपेरिमेंट केला आहे. महिलेने साडी सोबत ट्रेडीशनल ब्लाऊज वापण्याऐवजी मेहंदीने ब्लाऊसची डिझाईन शरीरावर काढली आहे.

व्हिडिओमध्ये दिसत आहे की, कपड्याचा ब्लाऊज वापरण्याऐवजी या महिलेने आपल्या शरीराच्यावरील भागावर मेंहदी डिझाईन काढली आहे. महिलाने त्यावर पांढरी साडी नेसली आहे. ति हुबेहुब कोणत्यातरी एखाद्या ब्लाऊज प्रमाणे दिसत आहे. मेंहदीने बनवलेल्या या ब्लाऊजचा व्हिडिओ सगळीकडे व्हायरल झाला आहे. मेंहदीला वेगवेगळे टेंपररी टॅटूसारखे वापरले जात आहे. विशेषत: लग्नामध्ये नवरी पूर्ण हात आणि पायांवर आवर्जून मेंहदी काढतात.

इंस्टाग्रामवर व्हिडिओ ''हिना ब्लाऊज व्हॉट नेक्स? कॅप्शनसोबत शेअर केला आहे. या व्हिडिओमध्ये लोक वेगवेगळ्या कॉमेंट्स येत आहेत. कोणत्याही महिला क्रिएटिव्हिटीची कौतुक केले असते. एका युजरने या व्हिडिओवर कॉमेंट केली आहे की, ''फॅशनच्या नावावर काहीही का? काहीतरी लाज बाळगा.'' तर एकाने लिहले आहे की, ''शिवणकामचे पैसे वाचविण्याचा हा चांगली आयडिया आहे.'' तर काही युजर्सने सांगितले आहे की, ''क्रिएटिव्हीटीच्या नावावर काहीही ट्रेंड बनविला आहे.''