Ganeshotsav 2023 : गणपतीची शुद्ध मातीची मूर्ती मिळण्यासाठी पारंपरिक मूर्तीकार आणि कारागीर संघाने पर्याय शोधला आहे. पारंपरिक क्यूआर कोड आले आहे. या दुकानातूनच श्री मूर्ती खरेदी कराव्यात असे आवाहन संघातर्फे करण्यात आले आहे.

गणेशभक्तांना शुद्ध मातीच्या मूर्ती सहज मिळाव्या यासाठी पारंपरिक मूर्तिकार आणि हस्त कारागार संघाने पुढाकार घेतला. नोंदणी केलेल्या मूर्तिकाराच्या दुकानावर क्यूआर कोडचे फलक लावण्याचे अवाहन केले. त्यानुसार या सदस्यांनी क्यूआर कोड दर्शनी भागात लावले आहेत.

संघाचे प्रदेश अध्यक्ष सुरेश पाठक म्हणाले, उच्च न्यायालयाने बंदीच्या आदेशानंतर राज्य सरकारने कार्यवाही करिता मनपा-जिल्हाधिकाऱ्यांना पत्र दिले. मनपाच्या अधिकाऱ्यांसोबत संघाच्या पदाधिकाऱ्यासोबत दोन बैठकी झाल्यात, परंतु अद्याप मनपाने अधिकृत नोटिफिकेशन काढलेले नाही. संघातर्फे मूर्तीकारांना परवाना शुल्क माफ आणि मातीच्या मूर्ती करणाऱ्या विक्रेत्यांना अधिकृत जागा देण्याची मागणी केलेली आहे. अद्यापही हा निर्णय मार्गी लागलेला नाही.

क्यूआर कोडचे लोकार्पण

माजी महापौर दयाशंकर तिवारी यांच्या हस्ते नुकतेच क्यूआर कोडचे लोकार्पण करण्यात आले. संचालन कार्याध्यक्ष चंदनलाल प्रजापती यांनी तर आभार उपाध्यक्ष मनोज कवाडे यांनी मानले. कार्यक्रम जान कुरवाद, प्रवीण गारो, बंटी चक्रवर्ती कृष्णा प्रजापती, प्रदीप ठाकरे, विशाल चौधरी उपस्थित होते. (Ganesh Chaturthi Festival)

या आहेत संघाच्या अटी

श्रींच्या मूर्तीवर मूर्तीकाराच्या नावाचा रबर स्टॅम्प असणार आहे

शहरात चार मूर्तीकार पंजीकृत असून त्याच्याकडे क्यूआर कोड आहे

कोडची नक्कल करणाऱ्यांवर गुन्हा दाखल होणार आहे

गणेशभक्तांनी मूर्तिकारांच्या विश्वासनियतेकरिता पावतीवर मातीची मूर्ती •असल्याचे लिहून घ्यावे.