सोमवारपासून म्हणजेच उद्यापासून श्रावण महिना सुरु होत आहे. व्रतवैकल्याचा महिना अशीही या महिन्याची ओळख आहे. त्यामुळे एकदा श्रावण महिना सुरु झाला की पुढील काही दिवस मांसाहार करता येत नाही. श्रावण संपला की लगेच गणपतीचे वेध लागतात. त्यामुळे साधारणपणे दीड महिन्यानंतरच नॉनव्हेज लव्हर्सला मांसाहार करण्याची संधी मिळते. परंतु, श्रावण महिन्यात नॉनव्हेज न खाणारे हा महिना सुरु होण्यापूर्वीच नॉनव्हेजची पार्टी करतात. यालाच आजकालच्या भाषेत गटारी असं म्हटलं जातं. आज तिच गटारी म्हणजेच गटारी अमावस्या आहे. मात्र, या अमावस्येलाही मुहूर्त आणि समाप्ती असते. त्यामुळे गटारी अमावस्येचा मुहूर्त कोणता ते पाहुयात. (gatari-amavasya-2021-date-and-significance-ssj93)

आषाढी अमावस्येला गटारी अमावस्या असं म्हटलं जातं. मुळात हे फार कमी जणांना माहित असेल. तर यंदा आषाढी अमावस्या आज ८ ऑगस्टला आहे. त्यामुळे या सुट्टीच्या दिवशी नॉनव्हेज लव्हर गटारी साजरी करु शकतात.

दरम्यान, आषाढी अमावस्या दीप अमावस्या म्हणूनही साजरी केली जाते. या दिवशी घरातील सगळे दिवे स्वच्छ धुवून पुसून त्यांची पूजा केली जाते. त्यामुळे अनेक जण याच दिवसापासून श्रावण पाळू लागतात. आषाढी अमावस्या शनिवारी,७ ऑगस्टला संध्याकाळी ७.११ मिनिटांनी सुरु होणार असून ८ ऑगस्टला संध्याकाळी ७.१९ ला संपणार आहे.