Gauri Ganpati Festival : 

गौराईंचे आज मोठ्या थाटात आगमन झालं आहे. गौरीच्या रोपांची जुडी बनवून त्यामध्ये फुलोरा घालून सजवले जाते. अन् त्याची पूजा करून त्यांना घरात घेतले जाते. गौराईला सजवण्यासाठी वेगळ्या पद्धतीचे देखावे साकारले जातात.

घरोघरी गौराई विराजमान झाली आहे. गौराई ही प्रत्येकाघरी वेगळी असते. काही ठिकाणी ती झाडा-फुलांची असते, तर काही ठिकाणी फक्त मुखवट्यांची असते. तर काही ठिकाणी ती संपूर्ण साडीत उभी केली जाते. (How to drape gauri saree)

गौराईसाठी केली जाणारी सजावटीत महत्त्वाचा भाग असतो साडी नेसवणे. गौराईला साडी नेसवण्यासाठी महिलांना अथक परिश्रम करावे लागतात. त्यासाठी आम्ही घेऊन आलो आहोत काही टिप्स. ज्या तुम्हाला गौराईला साडी नेसवण्यासाठी फायदेशीर ठरतील.

गौराईला कोणत्या प्रकारची साडी नेसवावे हे पाहुयात.

गौराईला नेसवा काष्टा साडी

पारंपरिक गौराईंचा सणाला अनेक महिला, तरूणी काष्टा नेसतात. तर त्यात गौराईला का मागे ठेवायचे. गौराईलाही तुम्ही काष्टा साडी नेसवा.

सहावार साडी

गौराईला सहावार साडी नेसवणे हे सुद्धा जिकरीचे काम असते. कारण, गौराईची उंची, तिचा चेहरा, हात यांना कुठेही धक्का न लावता साडी नेसवावी लागते. त्यामुळे ती सांभाळून करावी लागते. तुम्ही गौराईला अशा पद्धतीने साधी साडी नेसवू शकता.

गौराईला राजलक्ष्मी साडी नेसवा

गौराईसाठी सध्या साडी सहावार किंवा नऊवारी नाही. तर, राजलक्ष्मी साडी नेसवण्याची पद्धत नवी आहे. ही साडी नऊवारी प्रकारात मोडते पण ती दिसायला वेगळी असते. त्यामुळे सध्या तरूणी अन् महिलाही कार्यक्रमांसाठी अशा साड्या शिवून घेतात किंवा नेसतात.

 ट्रेंडी स्टाईल साडी                       

सध्या सहावारी साडीतील हा प्रकार ट्रेंडमध्ये आहे. सहावार साडीच्या निऱ्यांपासून ही वेगळी डिझाईन बनवली जाते. ज्यामुळे गौराईचे सौंदर्य अधिकच खुलून दिसेल.           

बैठ्या गौराईला साडी

गौराई घरी आल्यानंतर तिची अनेक रूपात पूजा केली जाते. काही ठिकाणी दळण दळत असलेली गौराई, काही ठिकाणी बसलेली गौराई साकारली जाते. तुम्हालाही बैठ्या गौराईला साडी नेसवायची असेल तर हे पहा.