Skin Care Tips : निरोगी जीवनशैलीसाठी तुम्ही नियमित व्यायाम करणे आणि संतुलित आहार घेणे महत्वाचे आहे. या संतुलित आहारामध्ये हिरव्या पालेभाज्या आणि फळांचा समावेश करण्यास आवर्जून सांगितले जाते.

फळे आणि हिरव्या पालेभाज्यांमुळे आपल्या शरीराला भरपूर ऊर्जा मिळते. परंतु, ही फळे आणि पालेभाज्या आपले शरीर मजबूत करण्यास मदत करतात आणि त्वचेच्या समस्या देखील दूर करतात.

फळांचा वापर करून आपण त्वचेच्या अनेक समस्या दूर करतो. फळांपासून आपण फेसपॅक देखील बनवतो. काही जण हे फेसपॅक घरच्या घरी तयार करतात. परंतु, आजकाल मार्केटमध्ये अशा प्रकारचे फेसपॅक्स मोठ्या प्रमाणात मिळतात.

तुम्ही हिरव्या पालेभाज्यांपासून देखील फेसपॅक्स बनवू शकता. हे फेसपॅक्स तुमच्या त्वचेला चमक मिळवून देण्यास मदत करतात. यात काही शंका नाही. आज आपण भाज्यांपासून बनवल्या जाणाऱ्या फेसपॅक्सबद्दल जाणून घेऊयात.

पालक

पालक ही पालेभाजी आपल्या आरोग्यासाठी आणि त्वचेसाठी अतिशय फायदेशीर आहे. पालकचा फेसपॅक बनवताना त्यात तुम्हाला अर्ध्या केळ्याची मदत घ्यावी लागेल. पालकचा फेसपॅक बनवण्यासाठी सर्वात आधी पालकची पाने धुवून घ्या. ही पाने बारीक चिरून घ्या.

त्यानंतर, पालकच्या चिरलेल्या पानांची आणि केळाची छान पेस्ट तयार करा. आता ही पेस्ट चेहऱ्यावर लावा. १५-२० मिनिटांनंतर चेहरा गरम पाण्याने धुवा. यामुळे, तुमच्या चेहऱ्यावर छान चमक येईल. अधिक चांगल्या परिणामांसाठी तुम्ही १५ दिवसांमधून एकदा या फेसपॅकचा वापर करू शकता.

काकडी

काकडीमध्ये भरपूर प्रमाणात पाणी असते. काकडीचे सेवन केल्याने आपले शरीर हायड्रेटेड राहण्यास मदत होते. त्यासोबतच काकडीचा चेहऱ्यावर वापर केल्याने चेहऱ्याला छान चमक येते आणि चेहरा हायड्रेटेड राहतो.

काकडीचा फेसपॅक बनवण्यासाठी सर्वात आधी १ काकडी बारीक किसून घ्या. त्यानंतर, मिक्सरला ही काकडी बारीक करून घ्या. काकडीच्या या पेस्टमध्ये गार झालेला ग्रीन टी मिसळा. आता तुमचा फेसपॅक तयार आहे. हा फेसपॅक आता चेहऱ्यावर लावा. १५-२० मिनिटांनंतर चेहरा धुवून घ्या.