Mosquito Repellent Plants : उन्हाळा आणि पावसाळा सुरू होताच डासांची समस्या सुरू होते. अशात अनेकदा सायंकाळच्या वेळी आपण घराच्या गच्चीवर, अंगणात किंवा बालकनीत बसताना डासांचा खूप त्रास होतो. हेच डास मग अनेक गंभीर आजारांचं कारण ठरतं. अशात डासांपासून सावध राहणे, गरजेचं असतं.

आज आम्ही तुम्हाला पाच झाडीविषयी सांगणार आहोत. जर ही झाडी तुमच्या घरी असेल तर तुमच्या घरात कधीच चुकूनही डास येणार नाही. चला तर जाणून घेऊया ती पाच झाडी कोणती?

लेमन ग्रास: हल्ली अनेकांच्या घरी लेमन ग्रास असतं. खरं तर अनेक लोक या ग्रासचा वापर घरी चहा बनविण्यासाठी करतात पण तुम्हाला माहित नसेल या ग्रासमुळे डास सुद्धा घरातून पळतात. डास पळवणाऱ्या अनेक औषधांमध्ये या ग्रासचा वापर केला जातो.

झेंडू - झेंडूचं रोपटं फक्त घराचं सुशोभिकरण करत नाही तर झेंडूच्या वासाने घरातील डासही दूर पळतात. याची फुलंच नाही तर त्याचं रोपटंही तितकचं फायदेशीर असतं.

लसूणचे रोपटे - घरात लसूणचे रोपटे असेल तर तुम्ही डासांपासून दूर राहू शकता. लसूणच्या वासाने घरातील डास दूर पळतात आणि पुन्हा कधीही येत नाही.

लॅवेंडर: डासांना दूर पळवण्यासाठी डास रिपेलेंट्सचा वापर केला जातो त्यामध्येही लॅवेंडर ऑईल असतं. ज्यामुळे डास दूर पळतात.

तुळस - डास पळवण्यासाठी तुळशी हा बेस्ट पर्याय आहे. प्रत्येकाच्या घरी तुळस असते. त्यामुळे डासांना पळवायचं असेल तर घरी तुळशीचे रोपटे लावा. एकापेक्षा जास्त रोपटे लावले तर अधिक चांगले आहे.