आपली सकाळ ही एक कप चहानेच होते. कोणी साखरेचा चहा घेतात. तर कोणी ग्रीन टी घेतं. पण, तुम्हाला माहित आहे का या दोन्ही चहांपैकी गुळाचा चहा हा आरोग्यासाठी खूपच फायदेशीर मानला जातो. तसेच या चहाची एक वेगळीच चव देखील आहे. त्यामुळे बऱ्याच जणांना गुळाचा चविष्ट चहा फार आवडतो. महत्त्वाचे म्हणजे गुळाचा चहा हा हिवाळ्यात घेणे फार फायदेशीर मानले जाते.

लोक हिवाळ्यात आले आणि वेलची घालून चहा पितात, अशा परिस्थितीत, यावेळी तुम्ही तुमच्या चहामध्ये आले, वेलची, दालचिनी आणि काळी मिरी मिसळू शकता, ज्यामुळे तुमच्या चहाची चव तर वाढेलच. पण तुमचे वजन देखील कमी होईल. सर्दी, खोकला, ताप आणि प्रतिकारशक्ती वाढवणे यासह अनेक गोष्टींसाठी ते फायदेशीर ठरेल. आज आम्‍ही तुम्‍हाला गुळाच्या चहाची एक खास रेसिपी सांगणार आहोत. चला तर मग जाणून घेऊया.

लागणारे साहित्य

बारीक चिरलेला गूळ

चहा पावडर

वेलची

दालचिनी

काळी मिरी

एक कप पाणी

आलं

दोन कप दूध

गुळाच्या चहाची रेसिपी

गुळाचा चहा बनवण्यासाठी एका भांड्यात एक कप पाणी गरम करा.

पाणी गरम झाल्यावर त्यात चहा पावडर, आलं किंवा सुंठ, काळी मिरी, दालचिनी, वेलची आणि गूळ घालून सर्वकाही चांगले उकळेपर्यंत शिजवा.

गुळाचा चहा जास्त वेळ उकळला तर फुटतो, त्यामुळे जास्त वेळ उकळू नये.

चहा झाला की कपात गाळून बिस्किटांसोबत सर्व्ह करा.