उन्हाळा हा ऋतू आला की अनेकांच्या कपाळावर आठ्या पडतात. सतत येणारा घाम, उकाडा यामुळे सारेच बेजार होतात आणि परिणामी, चिडचिड करण्याचं प्रमाणही वाढतं. परंतु, त्रागा करण्यापेक्षा हा उन्हाळा सुसह्य कसा होईल याकडे लक्ष दिलं पाहिजे. फ्रिजमधील गार पाणी पिण्याऐवजी त्या जागी ताक, लिंबू सरबत, कोकम सरबत यांचं सेवन जास्तीत जास्त करावं. उन्हाळ्यात आपल्याला घाम खूप जास्त येतो त्यामुळे शरीरातील क्षार कमी झालेले असतात. तसंच शरीरातील पाण्याचं प्रमाणही कमी झालेलं असतं. त्यामुळे सतत पाणी पिणे गरजेचं आहे. यातच ताक किंवा कोकम सरबत प्यायल्यामुळे शरीरातील पाण्याची कमतरता भरुन निघण्यासोबतच अन्य काही शारीरिक समस्या असतील तर त्यादेखील दूर होतात. त्यामुळे आज कोकम सरबत पिण्याचे किंवा आहारात कोकमचा समावेश करण्याचे फायदे कोणते ते जाणून घेऊयात.

१. कोकम सरबत प्यायल्यामुळे अपचन दूर होतं.

२. कोकमाचं सेवन केल्यामुळे आम्पपित्त, दाह, सतत तहान लागणे या समस्या दूर होतात.

३. उष्णतेचे विकार दूर होतात.

हेही वाचा : बॅगेत आढळून येणारी 'ही' पुडी फेकून देताय? त्यापूर्वी तिचं महत्त्व तर जाणून घ्या

४. शौचास गेल्यावर रक्त पडत असेल तर ती समस्या दूर होते.

५. पित्तामुळे अंगावर पुरळ आलं असेल तर त्यावर कोकम आगळ चोळून लावावा.

६. उष्णतेमुळे त्वचा कोरडी होत असेल तर त्यावर कोकमाचं तेल लावावं.

७. शरीराची आग होत असेल तर कोकम तेल लावावे.

८. ओठांची सालं निघत असतील तरीदेखील त्यावर कोकमाचे तेल लावावे.

९. कोकमाच्या सेवनामुळे पोट साफ होते.

(ही बातमी संशोधकांनी केलेल्या वैद्यकीय संशोधनावर तसेच तज्ज्ञांच्या मतांवर आधारित आहे. या मतांशी 'सकाळ ऑनलाइन'चा कोणताही संबंध नाही. त्यामुळे कोणतेही वैद्यकीय उपचार करण्यापूर्वी आरोग्यतज्ज्ञ आणि डॉक्टरांशी योग्य तो सल्लामसलत करणे आवश्यक आहे.)