सुंदर दिसावं असं प्रत्येक स्त्रीला वाटत असतं. त्यामुळे अनेक स्त्रिया सुंदर दिसण्यासाठी ब्युटीपार्लर, महागडे सौंदर्यप्रसाधने यांचा वापर करत असतात. परंतु, सुंदर दिसण्यासाठी कोणत्याही सौंदर्यप्रसाधनांची आवश्यकता नाही. कारण सौंदर्य प्रसाधने वापरण्यापेक्षा जर आपण आहारातूनच शरीराला योग्य ते घटक पुरवले तर त्याचा परिणाम आपोआप आपल्या चेहऱ्यावर दिसून लागतो. त्यामुळे आपल्या आहारात सकस आणि पौष्टिक पदार्थांचा आवर्जुन समावेश करायला हवा. चेहऱ्यासोबत आपलं शारीरिक आरोग्यदेखील तितकंच जपलं पाहिजे. मात्र, यात अनेकदा आपल्या नखांच्या आरोग्याकडे दुर्लक्ष होतं. परिणामी, नखांची स्वच्छता न केल्यास त्यात मळ जमा होतो आणि जेवतांना तो नकळतपणे आपल्या पोटात जातो. ज्यामुळे अनेक शारीरिक तक्रारी उद्धभवू शकतात. त्यामुळेच नखांचं सौंदर्य आणि आरोग्य कसं जपावं ते पाहुयात.

अशी घ्या नखांची काळजी

१. नखं स्वच्छ करण्यासाठी कोमट पाण्यात लिंबाचा रस टाकून त्यात थोडा वेळ हात टाकून ठेवा.

२. नख नियमित स्वच्छ करा.

३. नखं कधीही फार वाढवू नका.

४. नखं कापण्यासाठी कधीही मेटल इन्स्ट्रूमेंटचा वापर करु नका.

५. सतत नेलपेंटचा वापर करु नका.

६. नेलपेंटप्रमाणेच सतत नेल रिमूव्हरदेखील वापरु नका.

७. हातांप्रमाणेच नखांनादेखील क्रीम किंवा मॉइश्चराइजर लावा.

८. नखं दातांनी तोडू नका.

९. नखांच्या मजबुतीसाठी संतुलित आहार घ्या.