कामाच्या गडबडीत किंवा धावपळीच्या नादात अनेकदा आपण खाण्यापिण्याकडे दुर्लक्ष करतो. त्यामुळे सहाजिकच त्याचा परिणाम आपल्या आरोग्यावर होत असतो. सध्याच्या काळात अनेक जण लठ्ठपणा आणि वाढतं कोलेस्ट्रॉल (cholesterol) या समस्येने त्रस्त आहेत. म्हणूनच, शरीरातील कोलेस्ट्रॉलचं वाटतं प्रमाण थांबवायचं असेल तर आपल्या आहारात सकस आणि पौष्टिक पदार्थांचा जास्तीत जास्त समावेश करणं अत्यंत गरजेचं आहे. कोलेस्ट्रॉल वाढल्यामुळे कोणत्या समस्या निर्माण होतात. व या समस्या टाळण्यासाठी आहारात कोणत्या पदार्थांचा समावेश करावा ते जाणून घेऊयात. (health-to-reduce-bad-cholesterol-from-the-body-do-away-with-these-things-from-today-itself)

कोलेस्ट्रॉल वाढल्यामुळे निर्माण होणाऱ्या समस्या

१. वजन वाढणे

२. सतत पायाचे किंवा हाताचे तळवे दुखणे

३. छातीत दुखणे

४. थकवा जाणवणे

शरीरात कोलेस्ट्रॉलचं प्रमाण किती असावं?

आपल्या शरीरात कोलेस्ट्रॉलचं प्रमाण 200 MG/DL इतकं असणं गरजेचं आहे. त्यात चांगलं कोलेस्ट्रॉलचं प्रमाण 60 MG पेक्षा जास्त नसावं. आणि, बॅड कोलेस्ट्रॉलचं प्रमाण 100 MG पर्यंतच असावं.

या पद्धतीने कमी करा कोलेस्ट्रॉल

१. ग्रीन टी -

ग्रीन टी प्यायल्यामुळे वजन कमी होतं इतकंच आपल्याला माहित आहे. परंतु, ग्रीन टी प्यायल्यामुळे वजनासोबतच शरीरातील अतिरिक्त कोलेस्ट्रॉलदेखील कमी होतं. ग्रीन टीमध्ये अँटी ऑक्सिडेंट्स मोठ्या प्रमामावर असतात. त्यामुळे वाढत्या वयाच्या खुणाही कमी होतात.

२. आळशी -

आळशीमध्ये मोठ्या प्रमाणावर फायबर असतात. ज्यामुळे कोलेस्ट्रॉलचं प्रमाण नियंत्रणात राहतं. सोबतच अनेक किरकोळ आजारदेखील दूर होतात.

३. कडधान्य -

कोलेस्ट्रॉल नियंत्रणात ठेवायचं असेल तर आहारात कडधान्यांचा समावेश करा. यात खासकरुन मूग, हरभरा, काबुली चणे आवर्जुन खा. शक्यतो हे कडधान्य भिजवून मोड आणून खावेत.

४. लसूण -

लसणाचं सेवन केल्यामुळे कोलेस्ट्रॉलसोबत वजनदेखील नियंत्रणात राहतं. त्यामुळे दररोज सकाळी कच्चा लसूण खावा.