आपल्या आजुबाजूला मधुमेहाचे अनेक रुग्ण असतात आणि दिवसेंदिवस मधुमेहाच्या रुग्णांमध्ये प्रचंड वाढ दिसत आहे. मधुमेहाच्या रुग्णांनी विशेष काळजी घेणे गरजेचे आहे. त्यासाठी काही योगासने करणे अत्यंत फायदेशीर ठरू शकतात. या संदर्भात पोषणतज्ञ आणि आहारतज्ञ डॉ अमित भोरकर यांनी याविषयी माहिती दिली.

मधुमेहाच्या रुग्णांना मदत करणाऱ्या सोप्प्या योगासनांची यादी त्यांनी सांगितली. ही योगासने नियमितपणे केल्यास मधुमेहाच्या रुग्णांना फार मदत होते.

१. कपालभाती प्राणायाम

कपालभाती प्राणायाम आपल्या मज्जासंस्था आणि मेंदूच्या मज्जातंतूंना ऊर्जा प्रदान करते. मधुमेहाच्या रुग्णांसाठी हे प्राणायाम महत्त्वाचे आहे कारण यामुळे ओटीपोटात स्नायू सक्रिय होतात. प्राणायामने मनाला शांती मिळते.

२. सुप्त मत्स्येन्द्रसन

सुप्त मत्सेंद्रयासन अन्न पचन करण्यास मदत करते. हे आसन मधुमेह रुग्णांसाठी खूप चांगले आहे.

३. धनुरासन

या आसनामुळे स्वादुपिंड सक्रिय होण्यास मदत होते. मधुमेहाच्या रुग्णांना अत्यधिक फायदेशीर ठरते.

४. पश्चिमोत्नासन

हे आसन ओटीपोटातील अवयवांना सक्रिय करते, जे मधुमेहाच्या रुग्णांसाठी खूप फायदेशीर आहे. पश्चिमोत्नासन योगा शरीरातील महत्वाची उर्जा वाढवते आणि मनाला शांती प्रदान करते.

५. शवासन

शवासन संपूर्ण शरीराला विश्रांती देते. हे आसन एखाद्या व्यक्तीला खोल मन: स्थितीत नेते, ज्यामुळे मन शांत होते आणि नवीन उर्जेने परिपूर्ण होते.