Breast Pain Occurs During Menstruation : फायब्रोसिस्टिक ब्रेस्ट ही एक अशी स्थिती आहे जी जगभरातील लाखो स्त्रियांना प्रभावित करते. जर तुम्हाला मासिक पाळीपूर्वी स्तनामध्ये वेदना आणि अस्वस्थता जाणवत असेल तर तुम्ही या गोष्टींची विशेष काळजी घेतली पाहिजे. ज्यामुळे सहसा ब्रेस्ट सॉफ्ट होतात आणि गुठळ्या होतात.

ही एक साइकल आहे. ज्यामध्ये या सर्व समस्या मुलीच्या आणि महिलेच्या मासिक पाळीपूर्वी शरीरात सुरू होतात. फायब्रोसिस्टिक ब्रेस्टची कारणे, संकेत आणि लक्षणे जाणून घेतल्याने तुमची स्थिती अधिक चांगल्या प्रकारे व्यवस्थापित करण्यात मदत होऊ शकते.

हे जाणून घेणे महत्त्वाचे आहे की फायब्रोसिस्टिक ब्रेस्ट हा एक आजार किंवा स्तनाचा कर्करोग नाही. ही कर्करोग नसलेली स्थिती आहे. ही अशी स्थिती आहे जी प्रत्येक स्त्रीमध्ये वेगवेगळ्या प्रकारे लक्षणे दर्शवते. सर्वसाधारणपणे, हे स्त्रीच्या पीरियड्स साइकलमुळे शरीरात होणारे हार्मोनल बदलांमुळे होते. सर्वात जास्त वेदना हार्मोन्सच्या पातळीत चढ-उतार झाल्यामुळे होते.

हार्मोन्समध्ये पीरियड्स दरम्यान बदल होतात, जे पोट आणि स्तनात दुखण्याचे कारण असू शकतात. प्रत्येक स्त्रीसाठी ही परिस्थिती वेगळी असू शकते. तसेच हार्मोनल बदलांमुळे मूड बदलणे, बॉडी पेन करणे, डोकेदुखी, ताप आणि चक्कर येणे यासारखी लक्षणे देखील दिसू शकतात.

फायब्रोसिस्टिक ब्रेस्टची लक्षणे

फायब्रोसिस्टिक ब्रेस्टचे लक्षणे प्रत्येक व्यक्तीमध्ये बदलू शकतात, परंतु सामान्यतः एक किंवा दोन्ही स्तनांमध्ये वेदना किंवा कोमलता समाविष्ट असते. तुमचे ब्रेस्ट जड किंवा सुजलेले वाटू शकतात.

फायब्रोसिस्टिक ब्रेस्टची कारणे

फायब्रोसिस्टिक ब्रेस्टची नेमके कारण अद्याप ज्ञात नाही, परंतु हे स्त्रीच्या शरीरातील हार्मोनल बदलांशी संबंधित असल्याचे मानले जाते. इस्ट्रोजेन आणि प्रोजेस्टेरॉन हे हार्मोन्स यौवन, गर्भधारणा किंवा पेरीमेनोपॉज यांसारख्या हार्मोनल चढउतारांच्या काळात स्तनांमध्ये सिस्ट्सच्या विकासास चालना देण्यासाठी ओळखले जातात. याची अनेक कारणे असू शकतात, जसे की तणाव, जास्त कॅफीन पिणे आणि धूम्रपान करणे.