सुट्टीच्या काळात अनेकजण आराम करण्यासाठी, मित्र-कुटूंबासोबत चिल करण्यासाठी आणि काही चांगले पदार्थ (Food) करण्यासाठी उत्सुक असतात पण आरोग्य आणि फिटनेसकडे (Health) दुर्लक्ष होईल अशी भिती काही लोकांना असते. सुट्टीत (Holiday) कोणताही गिल्ट न बाळगता त्याचा आनंद लुटायचा असेल तर काही टिप्स आहारतज्ज्ञ अनुपमा मेनन यांनी सांगितल्या आहेत.

स्मार्ट फूड चॉईस करा-

सणाच्या काळात अनेकांचा चविष्ट खाद्यपदार्थ खाण्यावर भर असतो. अशावेळी कॅलरीचा विचार बाजूला पडतो. पण या गोष्टींना बळी पडू नका, त्यासाठी अनुपमा सांगतात की, या काळात एखाद्या कार्यक्रमाला जाण्यापूर्वी एक तास आधी नाश्ता करा आणि कोणते पदार्थ कोणते पदार्थ उपलब्ध आहेत हे पाहण्यासाठी स्वतःला वेळ द्या. तुम्हाला काय हवे आहे यावर निवड करा. प्रत्येक वेळी तुम्ही भरपूर भाज्या खाल याकडे लक्ष द्या.

हायड्रेटेड राहा-

हायड्रेशनच्या अभावामुळे तुम्हाला खूप भूक लागू शकते. किंवा थकल्यासारखे वाटू शकते. अशावेळी स्नॅक्स खाण्याआधी आधी एक ग्लास पाणी प्यावे. तसेच अल्कोहोलचे सेवन मर्यादित करा. प्रत्येक अल्कोहोलिक पेय एका ग्लास पाण्याने बदलू शकते

पुरेशी झोप घ्या -

सणासुदीच्या काळात बदललेले वेळापत्रक, आहार आणि रात्री उशिरापर्यंत वेळ घालविल्यानंतर तुम्हाला चांगली विश्रांती घेण्याची गरज आहे. म्हणून सुट्टीच्या काळात झोपेसाठी वेळ निश्चित करा. सातत्य ही महत्त्वाची गोष्ट आहे, त्यामुळे प्रवास करत असतानाही तुमची नियमित झोपण्याची आणि उठण्याच्या वेळा कायम ठेवण्याचा सर्वोत्तम प्रयत्न करा़, असा सल्ला मेनन देतात.

वॉक ला जा-

सुट्टीच्या काळात व्यायामासाठी थोडा वेळ काढणे गरजेचे आङे. यामुळे तुम्हाला निरोगी राहण्यासाठी खूप मदत मिळू शकेल. कॅलरीज बर्न करण्यासाठी फिरणे हा एक सोपा मार्ग आहे.

नवीन वर्षापर्यंत थांबू नका-

जर तुम्ही तुमच्या व्यायामाचे वेळापत्रक पाळायला चुकलात तर सोमवार किंवा नवीन वर्षाची वाट पाहू नका. ताबडतोब ट्रॅकवर परत या. परंतु शनिवार व रविवार तुमची बरीच कसर भरून काढू शकतो. त्यामुळे कोणतेही गिल्ट बाळगू नका.