मुंबई : २००९ साली आधार कार्ड योजना सुरू झाल्यानंतर आधार कार्डचे महत्त्व वाढत आहे. आजकाल बहुतांश सरकारी योजनांचा लाभ घेण्यासाठी आधार कार्डाची गरज भासू लागली आहे.
याशिवाय पॅनकार्ड बनवणे, ड्रायव्हिंग लायसन्स, बँकेत खाते उघडणे आदी सर्व आवश्यक कामांची पूर्तता करण्यासाठी त्याची गरज भासते. याशिवाय मालमत्ता खरेदी, दागिन्यांची खरेदी आणि विक्री, आयकर रिटर्न भरण्यासाठी आधारची आवश्यकता सर्वत्र वाढू लागली आहे.
UIDAI द्वारे आधार कार्ड जारी करणे अत्यंत महत्त्वाचे मानले जाते. आधार कार्डच्या वाढत्या उपयुक्ततेसोबतच आधारशी संबंधित फसवणुकीच्या घटनांमध्येही वाढ होत आहे. UIDAI ने लोकांना एक गंभीर इशारा दिला आहे. याविषयी सविस्तर जाणून घेऊ या.
UIDAI ने ट्विट करून दिलेली माहिती
या प्रकरणाची दखल घेत UIDAI ने ट्विट करून माहिती दिली आहे. UIDAI ने म्हटले आहे की प्रत्येक १२ अंकी क्रमांक आधार क्रमांक असतोच असे नाही. बनावट १२ अंकी क्रमांक दाखवून लोक विविध प्रकारचे गुन्हे करत आहेत. अशा परिस्थितीत, जर कोणी तुम्हाला तुमचा आधार क्रमांक दाखवत असेल, तर तुम्ही दोन ते तीन मिनिटांत त्याची पडताळणी करू शकता आणि तो बरोबर आहे की नाही याची माहिती मिळवू शकता.
आधार क्रमांकाची पडताळणी कशी करावी ?
१२ अंकी आधार पडताळणीची प्रक्रिया अत्यंत सोपी आहे. आधार पडताळणीसाठी, तुम्हाला resident.uidai.gov.in/verify या UIDAI लिंकवर क्लिक करावे लागेल. यानंतर तुम्ही ही लिंक ओपन करा आणि त्यात १२ अंकी आधार क्रमांक टाका.
त्यानंतर तुम्ही कॅप्चा टाकू शकता. तुमचा आधार क्रमांक बरोबर असेल तर त्याची माहिती स्क्रीनवर दिसू लागेल. चुकीच्या आधार क्रमांकसाठी त्रुटी दिसू लागते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.