घरातील किचन, बेडरूम,हॉल मधील इलेक्ट्रिकल स्विच आणि स्विच बोर्ड खूप घाण होतात कारण सतत कुणी तरी लाईट, टिव्ही, पंखा चालु बंद करण्यासाठी स्विचाचा वापर करत असतो. मग तेव्हा घरातील गृहिणीला प्रश्न पडतो की हे इलेक्ट्रिकल स्विच साफ तरी कसे करावे?

चला तर मग आज आपण या लेखात इलेक्ट्रिकल स्विच कसे साफ करावे? साफ करतांना कोणती काळजी घ्यावी याचीच सविस्तर माहिती पाहणार आहोत.

काळे झालेले स्विच बोर्ड साफ करण्यापूर्वी, सर्वात महत्वाची गोष्ट म्हणजे वीजपुरवठा बंद करा.

अन्यथा तुम्हाला विजेचा धक्का बसू शकतो. घरातील इतर सदस्यांनाही वीजपुरवठा बंद करण्याबाबत माहिती द्या, जेणेकरून साफसफाई करताना चुकूनही वीज चालू केली जाणार नाही. नंतरच मग इलेक्ट्रिकल स्विच आणि स्विच बोर्ड साफ करायला घ्यावे.

इलेक्ट्रिकल स्विच आणि स्विच बोर्ड साफ करतांना प्रथम एका मग्यात 3-4 चमचे टूथपेस्ट घ्या आणि त्यात 2 चमचे बेकिंग सोडा टाकून चांगले मिसळुन घ्यावे. यानंतर, त्यात पाण्याचे काही थेंब टाकून त्याची पेस्ट तयार करून घ्यावी आणि नंतर ती स्विच बोर्डवर लावावी.

दहा मिनिटांनंतर, टूथब्रश किंवा क्लिनिंग ब्रशने स्विच बोर्ड घासून घ्यावे आणि नंतर कोरड्या कापडाने पुसून घ्यावे.यानंतर तुमच्या घरातील सगळे इलेक्ट्रिकल स्विच आणि स्विच बोर्ड अगदी नव्यासारखा दिसतील. दात स्वच्छ करण्याव्यतिरिक्त, टूथपेस्टचा वापर इतर अनेक गोष्टी स्वच्छ करण्यासाठी केला जातो. तुम्ही टूथपेस्टचा वापर स्विच बोर्ड साफ करण्यासाठी देखील करू शकता. टूथपेस्ट स्विच बोर्डवरील डाग आणि घाण पूर्णपणे साफ करू शकते.