जगभरात दरवर्षी १ एप्रिल रोजी एप्रिल फूल डे साजरा केला जातो. या दिवसाला ऑल फूल्स डे असंही म्हणतात. या दिवशी लोक आपल्या मित्रांसोबत, नातेवाईकांसोबत प्रँक करतात आणि सेलिब्रेट करतात. तुम्ही हे नक्की करू शकता. त्यासाठी आम्ही काही टीप्स देत आहोत.

ऑटो करेक्ट प्रँक -

तुम्ही तुमच्या मित्राच्या फोनची सेटिंग बदलू शकता. ज्यामुळे तो जे टाईप करेल, त्याऐवजी काहीतरी वेगळंच टाईप होईल. ऑटो करेक्ट हा फोनमधला ऑप्शन वापरून तुम्ही हे करू शकता.

दुसऱ्या नंबरवरुन मज्जा घेणं -

तुम्ही तुमचे नातेवाईक किंवा मित्रांना एखाद्या वेगळ्याच नंबरवरुन फोन करून त्यांच्याशी ओळख लपवून बोलू शकता.

इमोजी प्रँक -

आपल्या मित्रांना असे काही इमोजीस वापरून बोलत राहा ज्या त्यांच्या लक्षातच येणार नाहीत आणि ते सतत विचार करत राहतील की नक्की तुम्हाला बोलायचं काय आहे.

स्पेलिंग मिस्टेक प्रँक -

मुद्दाम वेगवेगळ्या शब्दांमधली अक्षरं चुकवा. जेणेकरून त्याचा अर्थ बदलेल. हे पाहून तुमचे मित्रही संभ्रमात पडतील आणि तुम्हाला मज्जा येईल हे मात्र नक्की.