बरेच लोक आपल्या कामाच्या व्यापात दुपारच्या जेवणाकडे दूर्लक्ष करतात. जेव्हा वेळ मिळेल तेव्हा जेऊया असा पवित्रा घेतात. किंवा काही लोक दुपारच्या जेवणाची वेळ उशिराचीच असते असे गृहित धरून २ ते ४ वाजेदरम्यान जमेल तसे जेवतात.
पण या सवयी आपल्या आरोग्यासाठी घातक असल्याचे प्रसिद्ध डाएटिशीयन ऋजुता दिवेकर सांगतात. त्यांनी नुकतीत एक इंस्टाग्राम पोस्ट शेअर केली आहे, ज्यानुसार दुपारच्या जेवणाची योग्य वेळ कोणती, ती चुकली तर काय परिणाम भोगावे लागतात आणि दरम्यान काय खावे याविषयी मार्गदर्शन करण्यात आले आहे.
बऱ्याचदा दुपारी जेवल्यावर सूस्तपणा जाणवतो
किंवा जेवणाच्या आधी डलनेस फील होतो.
दिवसभर उत्साह जाणवत नाही.
डोकं जड होतं किंवा दुखतं.
मन एकाग्र होत नाही.
ऋजुता दिवेकर सांगतात दुपारच्या जेवणासाठी योग्य वेळ ही ११ ते १ वाजे दरम्यानची आहे. यावेळात जेवणे आवश्यक असते. पण आपण अगदी रोजच्या सवयीचा भाग म्हणून ही वेळ लांबवत असतो.
पण जर तुम्ही ११ ते १ वाजेदरम्यान जेऊ शकणार नसाल आणि वरील त्रासदायक परिणामांना सामोरे जायचे नसेल तर काही उपाय करणे आवश्यक असते. यावर पर्याय म्हणून ऋजुता दिवेकर खालील उपाय सुचवतात.
एक ग्लास पाणी प्या. अगदी सावकाश एक एक घोट घेत.
एखादे पल्पी फळ जसे, सिताफळ, चिकू, केळं, पपई असे एखादे फळ खावे.
जर फळं नसतील तर खजूर खावे.
जेव्हाही दुपारचे जेवण करणार असाल तेव्हा जेवणाच्या शेवटी तूप गुळ खावे.
उशिरा जेवल्यावर तूप गुळ खाल्ल्याने अॅसिडीटी, डोकेदुखी, सूस्तपणा जाणवत नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.