पितृपक्षाला सुरूवात झाली असून 2 ऑक्टोबरला संपणार आहे. पितृपक्षात इंदिरा एकादशी आली आहे. ही एकादशी पितरांसाठी खास असते. वर्षभरात 24 एकादशी असतात. अश्विन महिना सुरू असून या महिन्याच्या कृष्ण पक्षातील एकादशीला इंदिरा एकादशी म्हणतात.

इंदिरा एकादशीला मनोभावे पूजा केल्यास सर्व इच्छा पूर्ण होतात. तसेच पितर देखील प्रसन्न होतात. पण यंदा इंदिरा एकादशी 27 की 28 सप्टेंबर कधी आहे याबाबत गोंधळ असेल तर जाणून घ्या शुभ मुहूर्त कधी आहे.

इंदिरा एकादशी कधी आहे?

28 सप्टेंबर 2024 रोजी इंदिरा एकादशी साजरी केली जाणार आहे. पंचांगानुसार, आश्विन कृष्ण एकादशी तिथी 27 सप्टेंबर रोजी दुपारी 01.20 पासून सुरू होईल आणि 28 सप्टेंबर 2024 रोजी दुपारी 02.49 वाजेपर्यंत चालू राहील.

कोणते उपाय करावे

इंदिरा एकादशीला दुपारी १२ वाजता पितरांसाठी ध्यान करावे. या दिवशी पितरांसाठी गरुड पुराणाचे पठण करे शुभ मानले जाते. गरुड पुराणाचे पठण केल्याने पितरांना शांती मिळते अशी मान्यता आहे. इंदिरा एकादशीला गरजूंना अन्न, पैसा, वस्त्रे दान करा, यामुळे माणसाला भौतिक सुख मिळते.

इंदिरा एकादशीचे महत्त्व

इंदिरा एकादशी केल्याने कुटुंबातील 7 पिढ्या एकत्र येतात. कुटुंबात आनंद कायम राहतो.इंदिरा एकादशीच्या दिवशी पितरांना जन्म-मृत्यूच्या बंधनातून मुक्ती मिळते. असे मानले जाते की या दिवशी पुण्य परिणामामुळे स्वर्गाचा मार्ग खुला होतो.

शुभ मुहूर्त

इंदिरा एकादशीला सकाळी 07.42 ते 09.12 यावेळी भगवान विष्णूची मनोभावे पूजा करावी. एकादशीला सकाळी आणि रात्री जागरण करून पूजा केली जाते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.