Food in Fridge : आपण अनेकजण फ्रिजचा दैनंदिन कामासाठी वापर करतो. याशिवाय आपण फूड खराब होऊ नये म्हणून फूड फ्रिजमध्ये स्टोर करतो पण फ्रीजमध्ये अन्न ठेवणं योग्य की अयोग्य? हे जाणून घेणे गरजेचे आहे. आपल्याला अनेकदा कोणतं अन्न फ्रीजमध्ये ठेवावं.. कोणतं नाही, याविषयी संभ्रम असतो.

हे संभ्रम वेळीच दूर केलेले बरे अन्यथा त्याचा विपरीत परिणाम आपल्या आरोग्यावर होऊ शकतो. याविषयी आपण सविस्तर जाणून घेऊया.

फ्रीजमध्ये अन्न ठेवणं योग्य की अयोग्य?

दररोेजच्या धावपळीच्या आयुष्यात वेळेच्या अभावामुळे आपण वेळेवर कधीच जेवण बनवत नाही. मग अशात एकदा केलेलं अन्न आपण नंतर खाण्यासाठी फ्रिजमध्ये ठेवतो. पण फ्रीजमध्ये अन्न ठेवणं योग्य की अयोग्य, हे जाणून घेणेही तितकेच महत्त्वाचे आहे.

मुळात तज्ञाच्या मते आपण फ्रिजमध्ये अन्न ठेवू नये. आरोग्यतज्ज्ञाच्या मते शिजलेलं अन्न जास्त वेळ फ्रीजमध्ये ठेवणे चुकीचं आहे कारण असे अन्न जर आपण खाल्ले तर याचे दुष्परिणाम आपल्या शरीरावर होऊ शकतात.

आरोग्यासाठी ते किती सुरक्षित आहे?

‘मांस, पोल्ट्री, मासं, दुग्धजन्य पदार्थ आणि अंडी यांसारखे पदार्थ फ्रीजमध्ये ठेवले तर एक आठवड्याच्या आत खावे. याशिवाय भाज्या किंवा फळं फार काळ टिकतात त्यामुळे ते तुम्ही फ्रिजमध्ये ठेवू शकता.

तज्ज्ञ सांगतात की फ्रिजमध्ये जर शिजवलेले अन्न तीन ते चार दिवस ठेवले तर त्या दिवसांमध्ये बॅक्टेरिया वाढू लागतो जो शरीरासाठी खूप घातक आहे. यामुळे हे अन्न खाण्यासाठी योग्य नसते.