Traditional sunthvada for Janmashtami 2025 Bal Gopal offering:

भगवान श्री कृष्णांचा आज जन्मोत्सव आहे. आज रात्री बारा वाजता श्री कृष्णांचा जन्मकाळ साजरा होणार आहे. भगवान विष्णूचा आठवा अवतार श्री कृष्ण यांचा जन्मदिवस जन्माष्टमी म्हणून साजरा केला जातो. या दिवशी विधीनुसार भगवान श्रीकृष्णाची पूजा करण्याबरोबरच उपवास करण्याची परंपरा आहे.

असे मानले जाते की वाढदिवसाच्या दिवशी व्रत केल्यास प्रत्येक इच्छा पूर्ण होते. याशिवाय जीवनात सुख-समृद्धी टिकून राहते. या दिवशी भगवान श्रीकृष्णाच्या बालस्वरूपाची पूजा केली जाते. त्यानंतर मध्यरात्री 12 वाजल्यानंतर कृष्ण जन्मोत्सव साजरा केला जातो.

यावेळी, सर्व भक्त भगवान कृष्णांची विशेष सजावट करून त्यांना सुंठवड्याचा नैवेद्य दाखवला जातो. प्रसादातील सुंठवडा खाण्याचे अनेक फायदे आहेत. हा कसा बनवायचा हे पाहुयात.  

लागणारे साहीत्य

बडिशेप : एक चमचा

तीळ : एक चमचा

साखर : दोन चमचे

खडीसाखर : दोन चमचे

सूंठ : दोन चमचे

वेलची : दोन ते तीन

मणुके : एक चमचा

किसलेले सुके खोबरे : अर्धा कप 

बनवण्याची कृती

• गॅसवर एक पॅन गरम करत ठेवा. पॅन गरम झाल्यानंतर खारीकाचे काप, काजू आणि बदाम भाजून घ्या आणि एका प्लॅटमध्ये काढा. 

• यानंतर ओवा, बडिशेप, खसखस आणि तीळ एकत्रित भाजून घ्या व यानंतर प्लॅटमध्ये काढून घ्यावेत. 

• यानंतर मनुका, सुके खोबरेही गॅसच्या मंद आचेवर भाजून घ्यावे.