Kitchen Hacks: तुम्हीही भिजवलेल्या बदामाची साले फेकून देत असाल तर असे करू नका. कारण खराब वाटणारे हे साल तुमच्या कामात येऊ शकते. तुम्ही या सालींचा वापर करून जेवणाची चव आणि तुमची त्वचा चमकदार बनवू शकता. बदामाच्या सालीमध्ये जीवनसत्वे, खजिने आणि अँटी-ऑक्सिडंट असतात. या सालींचा वापर करून तुम्ही हेअर मास्क आणि चविष्ट चटणीही तयार करू शकता. बदामाच्या सालींचा आणखी कशा प्रकारे वापर करू शकतो हे जाणून घेऊया.

चटणी

बदामाच्या सालीपासून बनवलेली चटणी स्वादिष्ट तर असतेच शिवाय पौष्टिकतेनेही भरपूर असते. ही चटणी बनवण्यासाठी एक वाटी बदामाची साले, एक वाटी शेंगदाणे आणि एक वाटी उडीद डाळ तुपात भाजून घ्यावे. यानंतर या सर्व गोष्टी थंड करून त्यात लसूण, हिरवी मिरची, आलं, लिंबाचा रस आणि चवीनुसार मीठ घालून बारीक करून घ्या. आता दुसऱ्या भांड्यात तूप गरम करून त्यात कढीपत्ता, मोहरी आणि लाल मिरच्या घालून फोडणी तयार करा. तुमची चवदार बदामाच्या सालीची चटणी तयार आहे.

फेस पॅक

तुम्हाला तुमच्या त्वचेला चमकदार बनवायचे असेल तर बदामाची साल तुम्हाला मदत करू शकते. या सालींमध्ये असलेले अँटी-ऑक्सिडंट्स आणि व्हिटॅमिन ई त्वचेला सुधारण्यास मदत करतात. हा फेस पॅक बनवण्यासाठी बदामाची साले बारीक करून त्यात थोडे मध घालून २० मिनिटे चेहऱ्यावर राहू द्या. यानंतर चेहरा स्वच्छ पाण्याने धुवावे.

झाडांसाठी खत

बदामाच्या सालीमध्ये अनेक प्रकारचे पोषक घटक असता. जे झाडांच्या वाढीस मदत करतात. यासाठी बदामाची साले उन्हात वाळवा, बारीक करून त्याची पावडर तयार करा. आता एक चमचा ही पावडर आठवड्यातून एकदा पाण्यात मिक्स करून झाडांच्या मुळांमध्ये घाला. झाडे हिरवीगार होतील.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.