Kitchen Tips : दिवाळीच्या आधीच महिलावर्गाने साफसफाई केली असेल. भांडी-कुंडी स्वच्छ लखलखीत करून ठेवली असतील. पण असं प्रत्येकालाच जमत नाही. काही वर्किंग वुमन्स तर दिवाळीच्या आधल्या दिवशी सफाईला हात लावतात.

तुम्हीही अगदी शेवटच्या दिवशी सफाई करत असाल तर वेळ, पैसा वाचवणारी एक ट्रिक तुम्हाला सांगतो. तुम्ही मोठे-मोठे स्टीलचे डबे स्वच्छ करणार असाल तर त्यावर जास्त मेहनत न घेता डबे लखलखीत कसे करायचे हे पाहुयात.

डबे अन् त्यांची झाकणं, मोठ्या कढया साफ करायला त्या तासंतास घासत बसावं लागतं. भांडी घासून हातही बोथट होतात. त्यामुळे तुम्हालाही हातांची काळजी घ्यायची असेल. तर, ही एक ट्रिक नक्की करून बघा.

साहीत्य – पाणी, सोडा, लिंबू आणि वॉशिंग पावडर

एका मोठ्या टबमध्ये संपूर्ण डबा बुडेल इतके पाणी घ्या. आता या पाण्यात एक लिंबू, १ चमचा सोडा अन् वॉशिंग पावडर टाका. आता या पाण्याचा हातानेच फेस बनवा.

त्यानंतर एक एक डबा या पाण्यात बुडवा आणि त्यावर फक्त कापड फिरवा. जसे तुम्ही कापड फिरवाल तसे भांड्यांचे डाग निघून जातील.

छोटी भांडी असतील तर अशा पाण्यात टाकून ठेवा आणि थोड्यावेळाने फक्त धुवून घ्या. म्हणजे ती लख्ख निघलेली दिसतील.