सध्या बी-टाऊनमध्ये प्लीटेड मिनी स्कर्टची फॅशन इन आहे. प्रियांकापासून मलायकापर्यंत सर्वजण हा ट्रेंड फॉलो करताना दिसतात. नुकताच ‘स्ट्रीट डान्सर’च्या प्रमोशनसाठी श्रद्धा कपूरने हा स्कर्ट घातला होता आणि यात ती अफलातून दिसत होती. या स्कर्टची कमाल अशी आहे, की तुम्हाला यावर घालण्यासाठी वेगळं काही खरेदी करण्याची गरज नाही. तुमच्या जुन्या कलेक्शनपैकी टी-शर्ट, डेनिम जॅकेट, हुडीजसुद्धा यावर भारी दिसू शकतात.  यामध्ये पीच, पिवळा, काळा, आकाशी, लाल, केशरी असे उठावदार रंग खुलून दिसतात. तुम्ही डेटवर जात असाल किंवा एखाद्या इव्हनिंग पार्टीसाठी हा पर्याय ‘लय भारी’ आहे.  

- ताज्या बातम्यांसाठी डाऊनलोड करा ई-सकाळचे ऍप

स्मार्ट लूकसाठी 
पार्टीला जायचं असल्यास मिनी स्कर्टवर तुम्ही क्रॉप टॉप, स्पेगेटी घालू शकता. 

या आउटफिटवर कोणताही वेस्ट बेल्ट छान दिसेल. याने तुमचा लूक अजून खुलेल. फक्त कॉन्ट्रास्ट रंगाचा बेल्ट वापरावा. 

बंद गळ्याचे मोठ्या बाह्याचे टी-शर्टही यावर झकास दिसतात. 

पॉइंटेड हिल्स, स्निकर्स वापरू शकता. ग्लॅमरल लूकसाठी ॲक्सेसरीज वापरलीच पाहिजेत. यासाठी नाजूक, लांब चेन गळ्यात घाला. हातात छान ब्रेसलेट किंवा वॉच घाला. केस मोकळे सोडा. स्लिंग बॅग वापरा.