सकाळच्या नाश्त्यात रोज काय बनवावे हा प्रश्न अनेकांना पडतो. रोज पोहे, उपमा, इडली यासारखे पदार्थ खाऊन बोर झाले असाल तर गव्हाच्या पीठापासून पौष्टिक अशी उकरपेंडी बनवू शकता. हा पदार्थ विदर्भातील अतिशय लोकप्रिय आहे. हा पदार्थ बनवने अगदी सोपा आहे. चला तर मग जाणून घेऊया उकरपेंडी बनवण्याची सोपी पद्धत.

उकरपेंडी बनवण्यासाठी लागणारे साहित्य

गव्हाचे पीठ

कढीपत्ता

कांदा

जीरं

मोहरी

दही

कोथिंबीर

तेल

मीठ चवीनुसार

उकरपेंडी बनवण्याची कृती

सर्वात आधी गव्हाचे पीठ चांगले भाजून घ्यावे. नंतर एका कढाईमध्ये तेल गरम करायला ठेवावे. नंतर त्यात जीरं, मोहरी, बारिक चिरलेला कांदा, कढीपत्ता टाकून भाजून घ्यावे. नंतर त्यात गव्हाचे भाजलेले पीठ टाकावे आणि चांगले मिक्स करावे. नंतर थोडे दही मिक्स करावे. नंतर थोडे थोडे करून पाणी मिक्स करावे. थोडा वेळ झाकून ठेवावे. नंतर कोथिंबीर टाकून सजवू शकता. गरमा गरमा उकरपेंडी तयार आहे.