पूर्वी मुली खणाची परकर पोलकी घालायच्या, तसेच खणाची नऊ तुकड्यांची चोळी हा खास पोशाख असायचा. साध्या काठाच्या कॉटनच्या साडीवर खणाचे ब्लाऊज हे पूर्वीपासूनचं अप्रतिम समीकरण आहे. गावात अजूनही अनेक महिला खणाची पोलकी घालताना दिसतात. अस्सल मराठमोळा पोशाख असणाऱ्या खणानं पुन्हा एकदा फॅशनच्या जगात प्रवेश केला आहे. श्रावणाला सुरुवात झाली असून, याच पार्श्‍वभूमीवर खणाच्या ड्रेसची फॅशन कशी करता येईल याविषयी जाणून घ्या! 

गेल्या काही वर्षांमध्ये खणाची साडी पाहायला मिळत आहे. त्यामध्ये अनेक प्रकार, डिझाईन आणि वेगळेपण येत आहे. शिवाय खणाच्या कापडाच्या कुर्तीदेखील फॅशनमध्ये एक आकर्षण बनलं आहे. पारंपरिक ड्रेस विकत घेणं किंवा तयार करणं कठीण काम असतं. मात्र, कमी बजेटमध्ये खणाच्या कापडाचा ड्रेस तुम्ही स्वत: डिझाइन करू शकता. आता खणाच्या या ड्रेसना अनेक मराठमोळ्या अभिनेत्रींची पसंती आहे. श्रावण महिना सण-उत्सवाचा महिना म्हणून ओळखला जातो. श्रावणी सोमवार, मंगळवार, मंगळागौरीची पुजा, हळदीकुंकू, नारळीपौर्णिमा, रक्षाबंधन, गोकुळाष्टमी आणि यालाच जोडून गणेशोत्सव असे अनेक सण श्रावणात येतात. त्यासाठी मराठमोळा पारंपरिक वेशभूषेचा प्रकार म्हणजेच खणाचा ड्रेस, हा एक उत्तम पर्याय ठरू शकतो. 

ताज्या बातम्यांसाठी डाऊनलोड करा ई-सकाळचे ऍप   

1. खणाचे कापड घेऊन तुमच्या पसंतीनुसार त्याचा टॉप शिवून घेता येईल. 
2. कुर्ता, जीन्सवरील टॉप किंवा अखंड ड्रेस खणाच्या कापडामधून डिझाइन करू शकता. 
3. सध्या खणाच्या अॅंकल लेंथ ड्रेसची फॅशन ट्रेंडमध्ये आहे.
4. पारंपरिक पेहराव, ट्रेंड, आराम आणि कोणतीही मेहनत न करता तुम्ही फॅशन कॅरी करू शकता.
5. खणाची डिझाइन आणि रंग तुमच्या ड्रेसला सगळ्यांपेक्षा 
6. सर्वांचे लक्ष वेधून घेईल. 
7. खणाचे शॉर्ट टॉप किंवा ट्युनिक्स शिवूनही त्यातून छान फ्युजन कलेक्शन तयार होऊ शकते.
8. धारवाडी खणाला सध्या भरपूर मागणी आहे. त्यातील हिरवा, निळा, भगवा, जांभळा, हळदी, लाल, तपकिरी असे भडक रंग पाहायला मिळतात.
9. ऑक्सिडाइज्ड किंवा सिल्व्हर दागिने यावर खुलून दिसतील. खणाच्या कापडाचा रंग लाल किंवा हिरवा असल्यास मोत्याचे दागिने उठून दिसतील.

पुण्याच्या बातम्या वाचण्यासाठी येथे ► क्लिक करा