Mens Bracelets Fashion : मुलांची फॅशन म्हटली की टी मोजकीच असते. काही हटके ट्राय करायचं म्हटलं तरी ते प्रत्येकालाच सूट होईल असं नाही. रेग्युलर वेअरमध्ये एकवेळेस ठीक आहे, पण काही नवीन लुक ट्राय करायचा असेल, छोट्या मोठ्या ट्रिप्स, कॅज्यूअल वेअर यात काहीतरी वेगळेपणा नक्की असावा.

यासाठी काही मुलं हातात ब्रेसलेट घालतात. हल्ली बाजारातही वेगवेगळ्या प्रकारचे सुंदर ब्रेसलेट उपलब्ध आहेत आणि गंमत म्हणजे यापैकी काहींची चर्चा मुलांपेक्षा मुलींमध्ये जास्त आहे. हे ब्रेसलेट लांबून सुद्धा आपलं लक्ष वेधून घेतात आणि दिसायलाही खूप सुंदर दिसतात.

1. लेदर ब्रेसलेट

समुद्रकिनाऱ्यावर तुम्ही असे ब्रेसलेट सहसा जास्त बघितले असतील. हे ब्रेसलेट लेदरने बनवलेले असतात. त्याच्यामध्ये वेगवेगळ्या डिझाईन सुद्धा असतात आणि हे दिसायलाही खूप सुंदर दिसतात.

2. रुद्राक्षाचे ब्रेसलेट

पूर्वीच्याकाळी अनेक लोकं हातात रुद्राक्षाची माळ घालायचे, अर्थात तेव्हा ती त्यांची जपमाळ होती, पण आता मात्र मुलांची फॅशन झाली आहे. यात तुम्ही स्फटिकांची ब्रेसलेट सुद्धा घालू शकतात.

3. सिल्व्हर ब्रेसलेट

असे फॅशनेबल ब्रेसलेट घालण्याची इच्छा नसेल आणि काहीतरी सोबर डिसेंट घालावस वाटत असेल तर सिल्व्हर ब्रेसलेट बेस्ट आहेत. तुम्ही हे प्लेन चेनसारखंही घालू शकतात किंवा तुम्ही यांना आपल्या पद्धतीने बनवून घेऊ शकतात.

4. दबंग ब्रेसलेट

ब्रेसलेटचा विषय होतो आहे आणि त्यात या ब्रेसलेटचा उच्चार नाही असं कसं? दबंग या मूव्हीनंतर सलमान खानचे हे ब्रेसलेट खूप चर्चेत आलं आणि नक्कीच मुलांमध्ये याची वेगळी ट्रेंड सुरू झाली, जी अजूनही सुरू आहे.

5. कस्टमाइज ब्रेसलेट

हे ब्रेसलेट आपण आपल्या आवडत्या व्यक्तीचे, आई वडिलांचे, मित्रांचे किंवा स्वतःचे नाव लिहून कस्टमाइज करू शकतो. सहसा याचा बेल्ट लेदर किंवा सिल्व्हर चेनचा असतो त्यामुळे हे खूप आकर्षित दिसतात.