Honey Chilli Makhana Recipe: पावसाळ्यात गरमा चहा आणि भजी खाण्याची मज्जाच वेगळी असते. रिमझिम पडणाऱ्या पावसात तुम्हालाही काही पौष्टीक आणि चवदार पदार्थ बनवायचा असेल तर मखाण्यापासून गोड-चटपटीत पदार्थ बनवू शकता. मखाणा खाणे आरोग्यासाठी फायदेशीर असते. यामध्ये अनेक पोषक घटक असतात. मखाणा खाल्ल्याने वजन नियंत्रणात राहते आणि पचनसंस्था देखील सुरळित कार्य करते. चला तर मग जाणून घेऊया संध्याकाळच्या नाश्त्यात हनी चिली मखाणा बनवण्यासाठी कोणते साहित्य लागते आणि कृती काय आहे.

हनी चिली मखाणा बनवण्यासाठी लागणारे साहित्य

मखाणा -

मध- आवडीनुसार

गुळ- गरजेनुसार

चिली फ्लेक्स -१ टेबल स्पुन

चवीनुसार मीठ

तेल- १ टेबल स्पुन

हनी चिली मखाणा बनवण्याची कृती

सर्वात आधी मखाणा तव्यावर चांगले खरपुसपणे भाजून घ्यावे.

नंतर मखाणा एका प्लेटमध्ये काढून घ्यावे.

नंतर एका पॅनमध्ये तुप गरम करावे आणि त्यात गुळ टाकून चांगले वितळवून घ्यावे.

नंतर गॅस बंद करून त्यात चिली फ्लेक्स आणि मध मिक्स करावे.

यानंतर हे सारण मखाणावर टाकावे आणि चांगले मिक्स करावे.

गोड-चटपटीत हनी चिली मखाणा तयार आहे.