Chana Beetroot Cutlet Recipe:   सकाळच्या नाश्त्यात पौष्टिक पदार्थ खाल्ल्यास दिवसभर शरीरात उर्जा राहते. तसेच सकाळी चहासोबत नाश्ता असल्यास आनंद द्विगुणित होतो. तुम्ही बटाट्यापासून बनवलेले कटलेट खाल्ले असेल पण हरभरा आणि बीटपासून बनवलेले कटलेट खाल्ले आहे का? नसेल तर आज जाणून घेऊया हे कटलेट कसे बनवायचे.

हरभरा-बीट कटलेट बनवण्यासाठी लागणारे साहित्य

१.५ कप उकडलेले हरभरे

१ मोठा उकडलेला बीट

१ छोटा कांदा

२-३ हिरव्या मिरच्या

१ तुकडा आलं

१/२ टीस्पून लाल तिखट

२ टीस्पून धने पावडर

१ टीस्पून चाट मसाले

कोथिंबीर

चवीनुसार मीठ

तळण्यासाठी तेल

हरभरा-बीट कटलेट बनवण्याची कृती

सर्वात आधी कुकरमध्ये हरभरा आणि बीट वेगळे वाफवून घ्यावे.

नंतर हरभरा, बीट, कांदा, हिरवी मिरची आणि आलं मिक्सरमध्ये बारीक करून घ्यावे.

हे मिश्रण एका भांड्यात काढा.

त्यात तिखट, धनेपूड, चाट मसाला , मीठ आणि कोथिंबीर घालून चांगे मिक्स करावे.

यानंतर गोल कटलेट तयार करा.

तव्यावर दोन्ही बाजून भाजून घ्यावे.

हिरवी चटणी आणि चहासोबत कटलेटचा आस्वाद घेऊ शकता.