National Parents Day 2024: पालकांप्रती आदर आणि प्रेम व्यक्त करण्यासाठी दरवर्षी २८ जुलैला राष्ट्रीय पालक दिन साजरा केला जातो. प्रत्येकाच्या आयुष्यात आई-वडीलांचे स्थान असते. आपल्या आयुष्याच्या प्रत्येक मोठ्या निर्णयामध्ये त्यांची महत्वाची भूमिका असते. आजकालच्या धावपळीच्या जीवनात मुलांना पालकांसाठी वेळ नाही. यामुळे नात्यात दुरावा वाढत आहे. अशापरिस्थितीत कोणत्या गोष्टी लक्षात ठेवाव्या हे जाणून घेऊया.

प्रेम व्यक्त करा

पालक दिनानिमित्त मुलांनी त्यांचे प्रेम व्यक्त करावे. अनेक मुले मोठे झाल्यावर आई वडिलांसमोर प्रेम व्यक्त करत नाही. तुम्ही आई वडिलांची काळजी करता, आदर करता हे वागण्यातून दिसू द्या.

पालकांना प्रेमाने समजावे

जर तुम्ही पालकांशी सहमत नसाल तर नम्रतेने बोलावे आणि त्यांना समजावू सांगावे. यामुळे वाद होऊन नात्यात दुरावा येणार नाही.

सण-उत्सव सोबत साजरे करा

तुम्ही जर नोकरीसाठी किंवा शिक्षणासाठी घरापासून दूर राहत असाल तर दिवाळी, दसरा यासारख्या उत्सावासाठी घरी येऊ शकता. यामुळे तुम्हाला आणि पालकांना देखील चांगले वाटेल.

अहंकार मागे ठेवा

मुलांनी मोठे झाल्यावर अहंकार बाळगू नये. पालकांना समजून घ्यावे. त्यांना शांतपणे तुमचे म्हणणे समजून सांगावे. यामुळे नात्यात आपुलकी वाढेल.

वेळ काढून पालकांशी बोलावे

तुम्ही घरापासून आणि पालकांपासून दूर राहत असाल तर या दिनानिमित्त पालकांना फोन करून शुभेच्छा देऊ शकता. सुट्टीचा दिवस रविवार असल्याने पालकांना वेळ देऊ शकता. त्यांना फिरायला घेऊन जा आणि मिनमोकळेपणाने गप्पा मारा.