Navratri Latest Rangoli Design: शारदीय नवरात्रीतमध्ये कन्या पूजनाला खास महत्व आहे. नवरात्रीत माता दुर्गेचे भक्त नऊ दिवस उपवास करतात आणि शेवट्या दिवशी लहान मुलींना घरी जेवणाला बोलावतात. या मुलींना माता दुर्गेचा अवतार मानला जाते. माता दुर्गेच्या रूपात घरी येणाऱ्या मुलींचे स्वागत करण्यासाठी घराच्या अंगणात सुंदर रांगोळी डिझाइन काढायची असेल तर पुढील डिझाइन्सची मदत घेऊ शकता. घरी आलेले सर्वजण कौतुक करतील.

नवरात्रीत कन्यपुजनाच्या दिवशी झेंडूचे फुल आणि पानांचा वापर करून सुंदर रांगोळी काढू शकता. यासाठी एक तांब्याची प्लेट वापरावी. त्यात मातेचा चेहरा काढावा. त्याभोवती आंब्याचे किंवा विड्यांचे पाने सजावटीसाठी वापरू शकता. तसेच काळ्या आणि पिवळ्या रांगोळी रंगाचा वापर करून मंगळसुत्राची डिझाइन तयार करू शकता. यामुळे घराच्या अंगणाची शोभा वाढेल.

कन्यापुजनाच्या दिवशी जर तुमच्याकडे वेळ कमी असेल तर तुम्ही फुलांची सुंदर रांगोळी काढू शकता. फुलांची रांगोळी पटकन तयार होते आणि ती खूप सुंदर दिसते.

नवरात्रीत कन्यापुजनाच्या दिवशी मातेच्या पावलांची रांगोळी काढू शकता. यामुळे मातेच्या रूपात येणाऱ्या मुली देखील प्रसन्न होतील. यासाठी रांगोळीच्या कोणत्याही रंगाचा वापर करून गोलाकारात पावल काढू शकता. ही रांगोळी दिसायला सुंदर असून कमी वेळेत तयार होते.

कन्यापूजनाच्या दिवशी घराच्या अंगणात सुंदर आणि कमी वेळेत रांगोळी काढायची असेल तर वरील फोटोप्रमाणे रांगोळी काढू शकता. तुम्ही रांगोळीचा पिवळा किंवा कोणताही रंग वापरू शकता. त्यात देवीचा चेहरा ,तसेच त्यात हळद- कुंकु, तांदुळाचा वापर करून सजावट करू शकता. यामुळे माता दुर्गा प्रसन्न होईल आणि अंगाणाची शोभा वाढेल.

नवरात्रीत कन्यापूजेच्या दिवशी दारासमोर बॉर्डर रांगोळी काढायची असेल तर वरील फोटोप्रमाणे काढू शकता. बॉर्डर रांगोळीमुळे घराची शोभा अदिक वाढेल. तसेचमाता दुर्गा देखील प्रसन्न होईल. यासाठी रंगीत रांगोळीचा वापर करू शकता. ही डिझाइन काढणे सोपे असून कमी वेळेत तयार होते.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.