New Year Party Makeup : सरत्या वर्षाला निरोप आणि नवीन वर्षाचं स्वागत करताना पार्टी होणारच. या पार्टीत सर्वांमध्ये उठून दिसावं असं सगळ्यांनाच वाटत असतं. पण दिवसाची पार्टी आणि रात्रीच्या पार्टीचा मेकअप यात फरक असतो. त्यामुळे तशी काळजी घेत हा मेकअप व्हायला हवा. पण रात्रीचा मेकअप करताना कोणत्या गोष्टींची काळजी घ्यावी हेच माहीत नसतं.

रात्री डार्क असावा मेकअप

जर तुम्ही रात्री एखाद्या इव्हेंट किंवा पार्टीसाठी करत असाल तर मेकअफ डार्क करा. दिवसा प्रकाश अधिक असतो, ज्यामुळे लाईट मेकअफ फेडअप होत नाही. पण रात्री आर्टिफिशिअल प्रकाशामुळे मेकअप हलकं वाटायला लागतं. मेकअप असं करा ज्यात तुमच्या चेहऱ्याचे फीचर्स शार्प दिसतील.

चेहऱ्यावर चमक आणण्यासाठी

सर्वात पहिल्या चेहऱ्यावर मॉश्चराईज लावा. त्यानंतर प्रायमर लावा. असे केल्याने चेहऱ्यावर ताजेपणा आणि चमक येणार. डाग लपवण्यासाठी स्किन टोनसोबत मिळता जुळता कंसीलर लावा. रात्री मेकअपमध्ये स्किनपेक्षा गर्द टोन वापरला जातो.

रात्री डोळ्यांसाठी खास मेकअप

जर तुमचा फोकस तुमच्या डोळ्यांवर आहे तर शिमरिंग आयशॅडोचा वापर करा. मेकअपमध्ये डोळ्यांवर फोकस करताना हे बघा की, तुम्ही न्यूट्रल शेडचा लिप कलर वापरला आहे. सोबतच जर तुम्हाला मेकअप एखाद्या पार्टीसाठी करायचा असेल तर स्मोकी आय लूक फार चांगला पर्याय ठरेल. यासाठी डोळ्यांना हायलाईट करण्यासाठी हायलायटरचा वापर करा. पापण्यांवर ब्राउन पॅलेटचा कोल शॅडो लावा. वॉटर प्रूफ मस्काराचे दोन कोट लावा.

ओठांसाठी लिप लायनर

ओठांना अधिक आकर्षक करण्यासाठी लिपलायनरचा वापर केला जाऊ शकतो. तुम्हाला हवा असेल तर तुम्ही कोणत्याही लिपशेडचा वापरही करु शकता. सॅसी रेड किंवा डीप प्लम लिपशेड तुमच्या ओठांना अधिक सुंदर करेल. यावर हलका ग्लॉस टच द्यावा. जेव्हा फोकस तुमच्या ओठांवर असतो तेव्हा डोळ्यांचं मेकअप कमीत कमी करा. केवळ थोडं काजळ आणि साधा मस्कारा वापरा.

गालांचं मेकअप

तुमच्या गालांच्या अॅपल्सवर ब्लशचा वापर केल्याने तुमच्या चेहऱ्याची चमक वाढते. रंगांना एकरुप करण्यासाठी फाऊंडेशनचा वापर करा. मानेवर फाऊंडेशन लावणे विसरु नका.