know about why paper shopping bags in brown color

बाजारातून वस्तू किंवा भाजीपाला आणण्याासाठी सर्वच लोक पिशवीचा वापर करतात. अनेक लोक बाजारात मिळणाऱ्या पिशवीचा वापर करतात. यालाच शॉपिंग पेपर बॅग किंवा ब्राऊन पेपर बॅग देखील म्हणतात.

अनेकांनी शॉपिंग पेपर बॅगचा अनेकदा वापर केला असेल. जेव्हाही बाजारात किंवा मॉलमध्ये जातो तेव्हा खरेदी केल्यानंतर आपल्याला कागदी पिशव्यांमध्येच वस्तू दिल्या जातात. अनेक दुकाने किंवा मॉलमध्ये मिळणाऱ्या कागदी पिशव्यांचा रंग ब्राऊन असतो. पण यामागे कोणते कारण आहे हे जाणून घेऊया. वस्तू ठेवण्यासाठी सर्वजण कागदी पिशव्या वापरतात. शॉपिंग बॅगपासून ते गिफ्ट बॅगपर्यंत सर्वांचा रंग सारखाच असतो. पण तुम्ही विचार केला आहे का की प्रत्येक बॅग या एकाच रंगाची का बनवली जाते?

• कोणते आहे कारण?

पेपर, टिश्यू पेपर, पुस्तके, टॉयलेट पेपर इत्यादी बनवण्यासाठी झाडांचा वापर केला जातो हे आपणा सर्वांना माहीत आहे. हे झाडे कापून तयार केले जातात. यामुळे पर्यावरणाचे मोठे नुकसान होत आहे. शॉपिंग पेपर बॅग टाकावू वस्तूंपासून बनवल्या जातात. शॉपिंग पेपर बॅग बनवण्यासाठी कार्डबोर्डचा वापर केला जातो. क्राफ्ट पेपर बॅग ही बाजारात उपलब्ध असलेल्या सर्वोत्तम बॅगांपैकी एक आहे. अनेक डिपार्टमेंटल स्टोअर्स आणि किराणा दुकाने या बॅगचा वापर करतात. या पिशव्या साध्या आणि ब्राऊन क्राफ्टपासून बनवल्या जातात, ज्यावर ब्लीच केलेले नसते. या कागदी पिशव्या क्राफ्ट पेपर किंवा रिसायकल केलेल्या कागदापासून बनवल्या जातात.

• कंपोस्ट करणे सोयास्कर

प्लास्टिक पिशव्या नष्ट करणे अवघड आहे. प्लास्टिकऐवजी पेपरलसहज नष्ट होतो. या पेपर बॅगचे छोटे तुकडे करून त्यात शेण आणि माती मिक्स करावी. यामुळे हळूहळू ते मातीत मिक्स होईल आणि कंपोस्टमध्ये बदलेल.

(डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.)