सकाळी नाश्त्यासाठी काय करावे हा प्रश्न प्रत्येक गृहिणीला पडत असतो. रोज तेच पोहे, शिरा, उपीट खाऊन घरातही सर्वांना कंटाळा येतो. काळजी करून नका आम्ही तुमच्यासाठी काहीतरी स्वादिष्ट आणि झटपट तयार होणारा पदार्थ घेऊन आलो आहोत. तुम्ही नाश्त्यासाठी बेसन पोहे कटलेट करू शकता.
झटपट तयार होणारे बेसन पोहे कटलेट खायला चवदार आणि खुसखुशीत आहे. सकाळचा नाश्ता आणि संध्याकाळच्या चहासोबत तुम्ही ते खाऊ शकता. जर तुम्हाला पोहे आणि पकोडे दोन्ही आवडत असतील तर तुम्हाला बेसन पोहे कटलेटमध्ये दोन्हीचे कॉम्बिनेशन मिळेल. चला जाणून घेऊया ही रेसिपी बनवण्याची सोपी पद्धत.
पोहे - ४ वाट्या
बेसन - १ वाटी
रवा - १ कप
चिरलेला कांदा - २
बारीक चिरलेली मिरची – ३
कोथिंबीर - 1 कप
मिरची पावडर - 1 टीस्पून
हळद - 1 टीस्पून
जिरे पावडर- 1 टीस्पून
चाट मसाला- 1 टीस्पून
रिफाईंड तेल - (आवश्यकतेनुसार)
मीठ - चवीनुसार
चवदार बेसन पोहे कटलेट बनवण्यासाठी, प्रथम पोहे 5 ते 7 मिनिटे पाण्यात भिजवा. तोपर्यंत बेसन भाजून घ्या. आता त्यात रवा, हिरवी मिरची, जिरेपूड, हळद, मिरची पावडर, कोथिंबीर आणि मीठ घाला. भाजलेले बेसन थंड झाल्यावर पोह्यात घालून चांगले मळून घ्या. यानंतर तळहातावर थोडे तेल लावून पोह्याचे मिश्रण घ्या आणि त्याला हवा तो आकार द्या.
कढईत तेल गरम करून कटलेट मंद आचेवर तळून घ्या. लक्षात ठेवा कटलेट्स फक्त मंद आचेवर तळून घ्या, नाहीतर बाहेरून शिजलेले दिसतील आणि आतून कच्चे राहतील. दोन्ही बाजूंनी चांगले तळून घेतल्यानंतर, कटलेट टिश्यू पेपरवर काढा जेणेकरून अतिरिक्त तेल निघून जाईल. आता तयार कटलेट्स हिरवी चटणी किंवा टोमॅटो सॉस बरोबर सर्व्ह करता येतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.